وزبەكستان پرەزيدەنتىنىڭ قىزى اكەسىنىڭ ينسۋلت العانىن ايتتى

استانا. قازاقپارات -  وزبەكستان پرەزيدەنتى يسلام كاريموۆتىڭ كىشى قىزى لولا كاريموۆا- تيلليايەۆا اكەسىنىڭ ميىنا قان قۇيىلعانىن، ءبىراق قازىر حالى «تۇراقتى» ەكەنىن حابارلادى.

لولا كاريموۆا- تيلليايەۆا Facebook پەن Instagram الەۋمەتتىك جەلىلەرىندەگى پاراقتارىندا جاريالانعان جازبالارىندا اكەسىنىڭ اۋرۋحاناعا تۇسكەنى جايلى حاباردى راستادى. ونىڭ سوزىنشە، اكەسىنىڭ ميىنا وتكەن اپتانىڭ دەمالىس كۇندەرى قان قۇيىلعان.

«سەنبى كۇنى تاڭەرتەڭ ميىنا قان قۇيىلعاندىقتان اۋرۋحاناعا ءتۇسىپ، قازىر رەانيماتسيا بولىمىندە جاتىر. جاعدايى تۇراقتى. قازىر ونىڭ الداعى احۋالىنا قاتىستى بولجام ايتۋعا ءالى ەرتە» دەپ جازدى لولا كاريموۆا- تيلليايەۆا.

يسلام كاريموۆتىڭ كىشى قىزى بۇل جازباسىندا 2014 -جىلى تۇسىرىلگەن وتباسىلىق فوتوسىن دا جاريالاعان.

 

يسلام كاريموۆتىڭ دەنساۋلىعىنا قاتىستى قاۋەسەت 27 - تامىز كۇنى تاراعان. ول كەزدە كاريموۆتىڭ ينفاركت العانى ايتىلعان.

وزبەكستان پرەزيدەنتىنىڭ اۋرۋحاناعا تۇسكەنى 28 - تامىز كۇنى راستالعان. وزبەكستان مينيسترلەر كابينەتى تاراتقان بۇل حابار كاريموۆتىڭ دەنساۋلىعى تۋرالى العاشقى رەسمي حابار بولدى. حابارلامادا وزبەك پرەزيدەنتىنىڭ دارىگەرلەرگە قارالىپ جاتقانى ايتىلىپ، ول اقپارات تۇڭعىش رەت جەرگىلىكتى تەلەارنادان بەرىلدى. دارىگەر ونى «تەكسەرۋ مەن ەمدەۋ ءبىراز ۋاقىتقا سوزىلاتىنىن» ايتقان.

78 جاستاعى يسلام كاريموۆ وزبەكستاندى 1989 - جىلدان - وزبەك س س ر كوممۋنيستىك پارتياسى ورتالىق كوميتەتىنىڭ ءبىرىنشى حاتشىسى بولعان كەزدەن بەرى باسقارىپ كەلەدى. ول 1990 -جىلى وزبەك س س ر- ءىنىڭ، ال 1991 -جىلى وزبەكستاننىڭ پرەزيدەنتى بولىپ سايلانعان. يسلام كاريموۆ بەس رەت پرەزيدەنت سايلاۋىنا تۇسكەن. ەلدەگى سوڭعى پرەزيدەنتى سايلاۋى 2015 -جىلى وتكەن.

يسلام كاريموۆ وزبەكستاندا جىل سايىن 1 - قىركۇيەكتە وتەتىن ەل تاۋەلسىزدىگى مەيرامىنا قاتىساتىن.

https://www.azattyq.org