08:45, 30 - تامىز 2016 | GMT +5
عالىمداردىڭ جاساندى مارستاعى سىناعى اياقتالدى
استانا. قازاقپارات - مارسقا جەتۋ جولىندا سىناق جۇرگىزگەن عالىمدار زەرتتەۋ جۇمىستارىن اياقتادى، دەپ حابارلادى www.24.kz.
ولار گاۆاي ارالدارىنداعى ماۋنا- لوا جانارتاۋىنىڭ جانىنا مارسقا ۇقساس جاساندى ورتا دايىنداپ، سونىڭ ىشىندە ءبىر جىل ءومىر سۇرگەن.
سىرتقا شىققان كۇننىڭ وزىندە سكافاندر پايدالانعان. بۇعان دەيىن NASA قىزىل پلانەتاعا ۇشاتىن زىمىران تاسىمالداعىشتىڭ قوزعالقىشىن سىناقتان ءساتتى وتكىزگەن بولاتىن. ال 2 جىل بۇرىن عالىمدار مارسقا قونۋعا ارنالعان عارىش اپپاراتىن العاش رەت سىناپ كوردى.
«بۇل سىناقتاردىڭ قورىتىندىسى وتە ماڭىزدى. وسىنىڭ كومەگىمەن بولاشاق ەكيپاج مۇشەلەرى عارىشقا ۇشقاندا ءتۇرلى تاپسىرمالاردى ورىنداۋعا دايىندالادى»، - دەدى عالىم تريستان باسسينگتۋەيت.
