قىتاي ەلى بىشكەكتە ورنالاسقان ءوز ەلشىلىگىندەگى ديپلوماتتار ءۇشىن الاڭداۋلى

 استانا. قازاقپارات - قىتاي بىشكەكتەگى ءوز ەلشىلىگىندە بولعان اۆتوكولىك جارىلىسىنا قاتتى الاڭداۋلى. بۇل تۋرالى ق ح ر س ءى م رەسمي وكىلى حۋا چۋنين مالىمدەدى، دەپ حابارلايدى ت ا س س.

«بۇگىن تاڭەرتەڭ قىرعىزستانداعى ق ح ر ەلشىلىگىنە جارىلعىش زاتى بار اۆتوكولىك شابۋىل جاسادى جانە مەكەمەنىڭ ءۇش قىزمەتكەرى جارالاندى. مۇنداي زورلىق- زومبىلىق ءبىزدى ەسەڭگىرەتتى. ق ح ر سىرتقى ىستەر مينيسترلىگى بارلىق قاجەتتى توتەنشە شارالاردى جاساۋدا جانە بىشكەكتەن قىتايلىق ازاماتتار مەن مەكەمەلەردىڭ قاۋىپسىزدىگىن قامتاماسىز ەتۋدى سۇرايمىز»، - دەدى حۋا چۋنين.

بۇعان دەيىن حابارلانعانداي، Mitsubishi اۆتوكولىگىندەگى بەلگىسىز بىرەۋ ق ح ر ەلشىلىگىنىڭ قاقپاسىن بۇزىپ، باسا- كوكتەپ كىرمەك بولعان جانە سول مەزەتتە جارىلىس بولعان. بولجاۋ بويىنشا، جارىلعىش زات اۆتوكولىك ىشىندە بولعان. جارىلىستان ەلشىلىك عيماراتى مەن جاقىن ۇيلەرگە ەلەۋلى نۇقسان كەلدى.

 اۆتوكولىك سالونىندا بولعان ادام وقيعا ورنىندا قازا تاپتى. ديپلوماتيالىق وكىلدىك اۋماعىندا جۇمىس ىستەيتىن ءۇش جەرگىلىكتى تۇرعىن جارالاندى. قىتاي ديپلوماتتارى اراسىندا جارالانعاندار جوق.

فوتو: © AP Photo/ Vladimir Voronin