ءبىر- بىرىنەن اينىمايتىن اناسى مەن قىزى سۇلۋلىق بايقاۋىندا توپ جاردى - فوتو

استانا. قازاقپارات - بريتاندىق سارا لۋيز پريتچارد پەن ونىڭ قىزى ەللا رەيۆەنسكروفت الەمدىك سۇلۋلىق بايقاۋلارىنىڭ بىرىندە جەڭىسكە جەتتى.

41 جاستاعى سارا مەن ونىڭ 18 جاسار قىزى ەللا بيىل العاش رەت سۇلۋلىق بايقاۋىنا قاتىسىپ، «ميسسيس گەلەكسي ۇلى بريتانيا» جانە «ميسس جاس ءوسپىرىم گەلەكسي انگليا» اتالىمدارىن جەڭىپ الدى. ەندى ولار 2017 -جىلى ورلاندودا (ا ق ش، فلوريدا شتاتى) وتەتىن Galaxy International بايقاۋىنا قاتىسا الادى. وندا الەمنىڭ وننان اسا سۇلۋلارى باق سىناسادى.

سارا - سۇلۋلىق سالونىنىڭ يەسى. قازىلار القاسىن سۇلۋلىعىمەن تامساندىرعان ول بايقاۋدىڭ بارلىق كەزەڭدەرىندە الدىڭعى قاتاردان كورىندى.

 

ودان بولەك، سارا بايقاۋدا جەڭىسكە جەتكەن العاشقى پليۋس- سايز- مودەل اتاندى. جەڭىمپاز ونىڭ بۇل جەڭىسى تومپاق پىشىنگە يە قىز- كەلىنشەكتەردى جىگەرلەندىرەدى دەپ ۇمىتتەنەدى.

«كۇيەۋىم، ەكى ۇلىم جانە ءتورت قىزىم بار. وتباسىمدا سالماق تاستاۋ، ديەتا ۇستاۋ جانە سىرت كەلبەتكە اسا ءمان بەرۋ تۋرالى ءجيى اڭگىمە بولاتىن. سول كەزدە قىزدارىما بۇرىس ۇلگى كورسەتىپ جۇرگەن مەن شىعارمىن دەپ ويلادىم. سەبەبى ولار ديەتا ۇستاماسا دا سىمباتتى»، - دەيدى سارا.

 

الما دا اعاشىنان الىسقا تۇسپەيدى دەگەندەي، ەللا دا اناسىنان قالىسپايدى. ول «ميسس جاس ءوسپىرىم گەلەكسي انگليا» تيتۋلىن جەڭىپ الدى.

 

وتكەن جىلى ەللا Nemesis مودەلدىك اگەنتتىگىمەن كەلەسىم- شارتقا وتىرعان بولاتىن. ول دا اناسى سارا سياقتى ا ق ش- تا وتكەن سۇلۋلىق بايقاۋىنا ۇلىبريتانيادان قاتىسقان ارۋلاردىڭ قاتارىنا ەندى.

 

«بۇل ءبىر ايرىقشا نارسە بولماق! قاتتى قوبالجىپ تۇرمىن»، - دەدى ەللا سەزىمىمەن ءبولىسىپ.

 

سارا (وڭ جاقتان ەكىنشى) باسقا قاتىسۋشىلارمەن بىرگە


Stan.kz