ەرلان تولەۋتاي. قازاق كينوسىنداعى كۇلىمسى ءيىس نەمەسە «قۇنانبايدىڭ» قادىرى
كينوعا سىرتىنان سىن ايتۋ وڭاي. ال ءتۇسىرۋ قيىن. ونىڭ ىشىندە ۇلتتىق كينو ءتۇسىرۋ. سەبەبى قازاق وزگەرىپ كەتكەن. كينو سالاسى مۇلدە ورىستانعان. اكتەرلەردىڭ ميىن ەسترادا جەپ قويعان، كەيبىرەۋلەرى دىنمەن ۋلانعان. شاكەن ايمانوۆ زامانىندا قازاقتىڭ ءيسى بار ەدى. قازىرگى ادامداردان قازاقتىڭ ءيسىن تاپپايسىڭ. ورىستىڭ قولاڭسا ءيسى، ارابتىڭ كۇلىمسى ءيسى شىعادى پەندەلەردەن. سارتتىڭ ءيسى دە مول شىعادى، اسىرەسە فانەرشيكتەر جاعىنان...
كينودا ءتىپتى بوتەن ءيىس مول. ءبىر اكتريساعا «عايىپ ەرەن قىرىق شىلتەن» دەگەن ءسوزدى ايتقىزا الماي ءبىر كۇن ءجۇردىم. ءومىرى ەستىمەگەن ءسوزىم دەيدى. بىلاي قاراساڭ قازاقى ورتادا وسكەن ايەل. قىرىققا دەيىنگى اكتەرلەردە «ڭ» جوق. «ڭ»- ى جوق اكتەردىڭ دىمى جوق. «ڭ» قازاقى ءيىستىڭ ءبىرىنشى كوزى. جۇرگەنوۆ اكادەمياسى ڭ- ى بار تالاپكەرلەردى قۇلاتىپ، ىلعي ڭ- ى جوق ساقاۋلاردى قابىلدايتىن سياقتى اكادەمياعا. جاس اكتەرلەر نۇرتاس، اتىن ۇمىتتىم، «بول جانىمدا» دەپ زارلاپ جاتاتىن ايگىلى فانەرشيكتەردى ءپىر تۇتادى. سولاردىڭ ءانسىماقتارىن تىڭداپ جۇرەدى. مىنا تۇرلەرىڭمەن اكتەر بولا المايسىڭدار دەسەم، رەنجيدى.
ۇلتتىق مۋزىكاعا بارلىعى ءنول. اكتەردى ۇلتتىق اكتەر ەتەتىن ۇلتتىق مۋزىكا، ۇلتتىق كلاسسيكا. ال ەندى امىرەگە كەلسەك، ول كينو بولمايدى. مەن بۇل فيلمدى توقتاتايىق دەپ قۇدايدىڭ زارىن قىلدىم، جوعارىعا. ءبىراق مەنى ەشكىم تىڭدامادى. ءالى «قۇنانبايمەن» جىلاپ كورىسەسىڭ.
ەرلان تولەۋتايدىڭ جازباسىنان
