الماتى اكىمى بالاندين مەن شاكىموۆاعا پاتەر جانە كولىك كىلتىن تابىس ەتتى - فوتو
«قۇرمەتتى سپورتشىلار، سىزدەر ق ر تاۋەلسىزدىگىنىڭ 25 جىلدىعىنا سايكەس كەلگەن ريو وليمپياداسىندا ەل نامىسىن قورعاپ، كوك تۋدى كوككە كوتەردىڭىزدەر. بۇل ءۇشىن سىزدەرگە ايتار العىسىم شەكسىز جانە شىن جۇرەكتەن قۇتتىقتايمىن! الماتىلىقتار جانە بارشا قازاقستاندىق جانكۇيەرلەر تەلەديدارعا تەلمىرىپ، سىزدەرگە قولداۋ كورسەتىپ وتىردى. اۋەجايدا زور قۋانىشپەن قارسى الدى. ءبىز سىزدەردى قۇرمەت تۇتامىز ءارى ماقتان تۇتامىز!
ەلباسى نۇرسۇلتان نازاربايەۆ تا استانادا سىزدەردى قابىلداپ، مەملەكەتتىك ناگرادالارمەن ماراپاتتادى. ەندى مىنە، ءوڭىر باسشىلارى دا ءوز وڭىرلەرىنەن شىققان سپورتشىلاردى قۇتتىقتاپ، سىي- سىياپات كورسەتىپ جاتىر. سىزدەردى تاربيەلەگەن اتا- انالارىڭىزعا، سىزدەردى دايىنداعان جاتتىقتىرۋشىلارىڭىزعا ۇلكەن راحمەت! الداعى جاڭا بيىكتەرگە جەتە بەرۋلەرىڭىزگە تىلەكتەسپىن!»، - دەدى ب. بايبەك.
وسىدان كەيىن اكىم دميتري بالاندينگە المالى اۋدانىندا ورنالاسقان كوپقاباتتى تۇرعىن ۇيدەن ءۇش بولمەلى پاتەردىڭ كىلتىن، ال داريعا شاكىموۆعا مەدەۋ اۋدانىندا ورنالاسقان كوپقاباتتى تۇرعىن ۇيدەن ءبىر بولمەلى پاتەردىڭ كىلتىن سالتاناتتى جاعدايدا تابىس ەتتى. بۇدان سوڭ جينالعان قاۋىم سىرتقا - اكىمدىكتىڭ الدىنا بەتتەدى.
بۇل جەردە باۋىرجان بايبەك دميري بالاندينگە «Bank RBK» ا ق اتىنان «تويوتا لاند كرۋزەر-200» اۆتوكولىگىنىڭ، ال داريعا شاكىموۆعا كاسىپكەر رۇستەم اقتايەۆتىڭ اتىنان «تويوتا لاند كرۋزەر پرادو-150» اۆتوكولىگىنىڭ كىلتىن تابىستادى.
ەكى سپورتشى دا كولىككە وتىرىپ، وتالدىرىپ كوردى.
ولار قالا اكىمى باۋىرجان بايبەككە جانە جانكۇيەرلەرگە قولداۋ كورسەتكەندەرىنە جانە بۇگىنگى كورسەتىلىپ جاتقان سىي- سىياپات ءۇشىن شىن جۇرەكتەن العىستارىن ءبىلدىردى.
بۇگىنگى شاراعا سپورتشىلاردىڭ تۋعان- تۋىستارى، باپكەرلەرى جانە كوماندالاس ارىپتەستەرى جانە ب ا ق وكىلدەرى قاتىسى.
اۆتور: ايبوتا جاپپاربەرگەن
