14:52, 29 - تامىز 2016 | GMT +5
قازاقستاندا سالافيزمگە تىيىم سالۋ ماسەلەسى قاراستىرىلادى
استانا. قازاقپارات - قازاقستاندا راديكالدى ءدىني اعىمدارعا تىيىم سالۋ ماسەلەسى قاراستىرىلادى.
بۇل تۋرالى تىلشىلەرگە بەرگەن سۇحباتىندا ق ر ۇلتتىق قاۋىپسىزدىك كوميتەتىنىڭ باسشىسى ۆلاديمير جۇماقانوۆ ءمالىم ەتتى.
«بۇل سۇراق قولعا الىندى، ونى جاقتاپ وتىرعاندار دا، قولداماي وتىرعاندار دا بار. يدەولوگياعا تىيىم سالۋ قيىن. دەگەنمەن 2011-جىلدان بەرى بولعان وقيعالاردىڭ بارلىعى سالافيتتەرمەن بايلانىستى بولدى. سوندىقتان بۇل ماسەلە ەڭ جوعارى دەڭگەيدە: مەملەكەت باسشىسى مەن قاۋىپسىزدىك كەڭەسىنىڭ دەڭگەيىندە قارالادى دەپ ويلايمىن»، - دەدى ول تىلشىلەرگە بەرگەن سۇحباتىندا.
ونىڭ الدىندا ق ر ۇ ق ك باسشىسى، الماتى وبلىسىندا ۇستالعان لاڭكەستەر سالافيت بولعانىن حابارلاعان ەدى.
اۆتور: جاسۇلان جولدىبايەۆ
