ۇلتتىق ۇلان: «باتىس» وڭىرلىك قولباسشىلىعىنىڭ ۇزدىك جۇرگىزۋشىلەرى انىقتالدى - فوتو

«باتىس» وڭىرلىك قولباسشىلىعىنىڭ باسپا ءسوز قىزمەتىنەن تۇسكەن مالىمەتكە قاراعاندا، وعان اتىراۋ، اقتاۋ، اقتوبە، جاڭاوزەن جانە ورال قالالارىنداعى اسكەري بولىمدەردەن ىرىكتەلىپ كەلگەن ۇمىتكەرلەر قاتىستى.

سايىس سوڭىندا جالپى كوماندالىق ەسەپتە 6655-اسكەري ءبولىمىنىڭ (اقتوبە) كومانداسى توپ جارسا، 5517-اسكەري ءبولىم (ورال) ەكىنشى، 3502-اسكەري ءبولىم (اقتاۋ) ءۇشىنشى ورىندى يەلەندى.

جەكەلەي سىندا 3502-اسكەري ءبولىمنىڭ ەكيپاجى (كومانديرى، كىشى سەرجانت باۋىرجان ارىنوۆ، مەحانيك-جۇرگىزۋشى، كىشى سەرجانت تالعات مۇسايەۆ، كوزدەۋشى- وپەراتور، سەرجانت جاندوس تاتيمەنوۆ) «ب ت ر ۇزدىك ەكيپاجى» اتالىمى بويىنشا جەڭىمپاز اتاندى. ال اسكەري «كاماز» جۇرگىزۋشىلەرى اراسىندا سول 5 كيلومەتر قاشىقتىقتا ءتۇرلى كەدەرگىلەرمەن ءجۇرىپ وتۋدەن اقتوبەدەگى 6655-اسكەري ءبولىمنىڭ اعا سەرجانتى ەسەن قاديەۆ ءبىرىنشى كەلدى.

شارا سوڭىندا «باتىس» وڭىرلىك قولباسشىسى، گەنەرال-مايور قايرات اقتانوۆ جەڭىمپازدار مەن جۇلدەگەرلەرگە كۋبوك، مەدالدار، گراموتا، باعالى سىيلىقتار تابىس ەتتى.