شەشەنستان استاناسىندا الاپات داۋىل بولدى، ادام شىعىنى بار

استانا. قازاقپارات - سەنبىدەن جەكسەنبىگە قاراعان ءتۇنى بولعان داۋىلدان گروزنىيداعى ونداعان عيمارات قيرادى.
None
None

شەشەنستان رەسپۋبليكاسىنىڭ توتەنشە جاعداي مينيسترلىگى 1995 -جىلى تۋعان قىزدىڭ قازا تاپقانىن مالىمدەدى، ول جەكە باسپانا قابىرعاسى قۇلاعاندا، ءۇيىندىنىڭ استىنا قالعان، دەپ جازادى bbc.

سونىمەن قاتار، كىرپىش زاۋىتىنىڭ كۇزەتشىسى دە زارداپ شەكتى، ونىڭ توبەسىنە باستىرما قۇلاعان، قازىر اۋرۋحانادا جاتىر.

ماسكەۋ ۋاقىتىمەن تۇنگى 01:10 دا الاپات داۋىل گروزنىي قالاسىنداعى، نادتەرەچنوە ەلدى مەكەنىندەگى جانە ۋرۋس- مارتان اۋدانىنداعى 9 قوعامدىق نىسانعا، بەس كوپقاباتتى ۇيگە جانە 59 جەكە ۇيگە زالالىن تيگىزگەن. نىسانداردىڭ كوپشىلىگىنىڭ شاتىرى ۇشىپ كەتكەن.

اتاپ ايتقاندا، ءۇش مەكتەپ، گروزنىي قالاسىنداعى ورتالىق پەرزەنتحانا جانە سوعىس ارداگەرلەرىنە ارنالعان رەسپۋبليكالىق كلينيكالىق اۋرۋحاناعا زاقىم كەلگەن. ت ج م حابارلاۋىنشا، زاقىم كەلگەن ۇيلەردە 358 ادام ءومىر سۇرگەن، ونىڭ 121 ى بالالار.

گروزنىي قالاسىنىڭ مەرى مۋسليم حۋچيەۆ قالادا توتەنشە جاعداي رەجيمىن جاريالادى. اپات سالدارىن جويۋ ءۇشىن جەدەل شتاب قۇرىلدى.



سوڭعى جاڭالىقتار