10:20, 28 - تامىز 2016 | GMT +5
سايلاۋبەك جۇرتتى الداپتى
استانا. قازاقپارات - رەپەر قالىڭدىعىن كورسەتىپ، ەلدەن ءسۇيىنشى سۇراعان بولاتىن.
الايدا بۇل بار بولعانى رەپەردىڭ كەزەكتى قالجىڭى بولىپ شىقتى.
بۇل تۋرالى 31 -ارنانىڭ «جۇلدىزدار جارقىرايدى» باعدارلاماسىندا ايتىلدى.
سايلاۋبەكتىڭ پروديۋسەرى باقىتجان جۇنىسبەكوۆ مۇنىڭ ءازىل اكەنىن اتاپ ءوتتى: «ول قىزبەن جۇرمەگەن ساكە، ول قىزدى تانىمايدى. سول كۇنى ءبىرىنشى رەت كەزدەسكەن بولاتىن»، - دەپ اتاپ ءوتتى.
ال رەپەردىڭ ءوزى روليككە تۇسكەن قىمبات ەسىمدى ارۋدى قاتتى ۇناتىپ قالعانىن ايتتى.
«ويىننان وت شىعادى» دەپ ايتادى عوي. وت شىعايىن دەپ تۇر الاۋلاپ. الماتىدا دا ءبىر قىز بار.»، - دەپ قالجىڭعا اينالدىردى م س سايلاۋبەك.
پروديۋسەرىنىڭ ايتۋىنشا، رەپەرگە حابارلاسىپ، كوڭىل جاراستىرۋعا ۇسىنىس جاسايتىن نازىك جاندىلاردىڭ قاتارى كۇن ساناپ ارتىپ كەلەدى ەكەن.
ايتپاقشى، قازاقستاندىق رەپەر جۋىردا قىتاي ستاديونىندا 10 مىڭ كورەرمەننىڭ الدىندا ءان ايتقان.
