مەيرامبەك بەسپايەۆتىڭ ءىزباسارى نۇرمۇحاممەد كينوعا ءتۇستى - فوتو، كەسكىن

وسىدان بىرنەشە جىل بۇرىن مەيرامبەكتى تانىمال ەتكەن «بوزتورعاي» ءانىن ورىنداعان ءبۇلدىرشىننىڭ تالانتىنا تاڭدانباعان جان جوق شىعار!
بۇل تۋرالى Stan.kz حابارلايدى.
مەيرامبەكتىڭ ۇستازى التىنبەك قورازبايەۆتىڭ ءوزى جاس دارىننىڭ ونەرىن جوعارى باعالاعان ەدى. تالانتتى بالا ءدال مەيرامبەك اعاسى سياقتى كينوعا ءتۇستى، ءتىپتى العاشقى بەيانەبايانىن دا ءتۇسىرىپ ۇلگەردى.
«مەيىرىم اڭساعاندار» اتتى كينوفيلمگە تۇسكەن نۇرمۇحاممەد وندا جەتىم بالانىڭ دوسىنىڭ ءرولىن سومدايدى. تۋىندىنى «مەيرام» بالالار كينوستۋدياسى تۇسىرگەن. وسى ورايدا نۇرمۇحاممەدتىڭ اتا- اناسى يبراگيم جاقىپ پەن گۇلميرا ماحمۇت قىزى تىلشىسىگە سۇحبات بەرگەن ەدى.
«وسىدان ءبىر اي بۇرىن كينوستۋديادان حابارلاسىپ، نۇرمۇحاممەدتىڭ «ءبۇلدىرشىن تىلەگى» اتتى ءانىن كينوفيلمگە ساۋندترەك ەتۋگە رۇقسات سۇراعان ەدى. رۇقساتىمىزدى بەردىك. ءبىراق ول كەزدە كينونىڭ اتى «دات» بولاتىن. كينوفيلمنىڭ ءتۇسىرىلىمى دە اياقتالىپ قويعان ەكەن. «ءبۇلدىرشىن تىلەگى» ءانى قاتتى اسەر ەتسە كەرەك، ءبىراز ۋاقىتتان سوڭ فيلم رەجيسسەرى قايتا حابارلاسىپ: «كينوعا نۇرمۇحاممەدتىڭ ءوزىن تۇسىرسەك قالاي بولادى؟» دەپ سۇرادى»، - دەيدى يبراگيم جاقىپ.
ءتىپتى، رەجيسسەر دوسجان قالمۇرات فيلم سەناريىن نۇرمۇحاممەدتىڭ ءانىنىڭ سوزىنە ورايلاستىرىپ وزگەرتەتىنىن ايتقان ەكەن.
فيلمنىڭ اتى «مەيىرىم اڭساعاندار» دەپ وزگەرتىلىپ، قايتا تۇسىرىلگەن. ساۋندترەك بولعان نۇرمۇحاممەدتىڭ ءانىنىڭ بەينەكليپى جاقىن ارادا تەلەەكرانعا شىعادى. ال الداعى كۇزدە كينوفيلمدى دە تاماشالايتىن بولامىز.
«بۇل فيلمدە نۇرمۇحاممەد جەتىم بالانىڭ دوسى بولىپ وينايدى. وزدەرىڭىز دە بىلەسىزدەر، حالىق اراسىندا «كينوداعى وقيعا ومىردە دە قايتالانۋى مۇمكىن» دەگەن پىكىر بار. «بالاعا مۇڭلى ولەڭ دە ايتقىزا بەرمەڭدەر» دەپ ايتاتىندار كوپ»، - دەيدى جاس تالانتتىڭ اناسى گۇلميرا ماحمۇت قىزى.
Кинодагы анам омирдеги Апам @kudaikulova_aneliya жакында Сабак соган дайындалып отырмын)))
بۇگىندە فيلم دە، ونىڭ ساۋندترەگى دە دايىن. الايدا 9 جاستاعى نۇرمۇحاممەدتىڭ اتا-اناسى ازىرگە بۇل تۋىندىنىڭ دايىن نۇسقاسىن كورمەپتى. «وعان جۇرەگىمىز داۋالاماي تۇر»، - دەيدى اتا- انا.
Кокеммен!!!
«ۇلىڭىزدىڭ اكتەرلىك شەبەرلىگىنە قانداي باعا بەرەسىز؟» دەگەن ءتىلشى ساۋالىنا نۇرمۇحاممەدتىڭ اكەسى: «نۇرمۇحاممەد - تالانتتى بالا، بويىنا اللا دارىن بەرگەن. اكتەرلىك قىرىنان تانىلىپ جاتسا دا تاڭ قالمايمىن. ءبىراق نۇرمۇحاممەد اكتەر ەمەس، ءبىرىنشى كەزەكتە ءانشى»، - دەپ جاۋاپ بەردى.
ايتا كەتەيىك، نۇرمۇحاممەد بۇعان دەيىن دە جەتىمدەر تۋرالى "ءسابي باقىتى" ءانىن ورىنداپ، جۇرتتى ءتانتى ەتكەن ەدى.
ال ءبىز كىشكەنتاي بولسا دا ءوز تىڭدارمانىن تاۋىپ، حالىقتىڭ جۇرەگىنەن ورىن العان نۇرمۇحاممەدكە مەيرامبەك اعاسىنىڭ جولىن بەرسىن دەپ تىلەيمىز!
Жакында буйырса Алла жазса коресиздер менин Бейне баянымды))) Киномызга Саунтрек болып жасалды🙏🙏🙏достар Онердеги Ага Апайлар егер мумкин болса репост жасап жиберсендер))