گەرمانيادا پاتەر توناۋ وقيعالارى جيىلەپ كەتتى - كەسكىن

ۇرىلار، اسىرەسە، ەلدىڭ سولتۇستىك رەين- ۆەستفاليا، گامبۋرگ جانە تومەنگى ساكسونيا ايماقتارىندا ءۇي ءتىنتىپ ءجۇر، دەپ حابارلادى www.24.kz.
بەرليننىڭ وزىندە جىل باسىنان بەرى 7 مىڭداي پاتەر تونالعان. وتكەن جىلعا قاراعاندا
بۇل %10 عا كوپ. دەگەنمەن، ءتارتىپ ساقشىلارى باۋكەسپە ۇرىلاردى قالاي دا تۇزاقتاپ، قىلمىس سانىن ازايتامىز دەپ ۋادە بەرىپ وتىر. سول ءۇشىن گەرمانيا استاناسىندا «كريم پرو» دەپ اتالاتىن ارنايى باعدارلاما ىسكە قوسىلدى. پوليتسەيلەردىڭ ايتۋىنشا، باعدارلاما قاي جەردە ۇرلىق- قارلىق بولاتىنىن انىقتاۋعا كومەكتەسەدى. ەندى وسى جۇيەنى پايدالانىپ، فەدەراتيۆتى مەملەكەتتىڭ باسقا دا ايماقتارى قىلمىسپەن كۇرەسپەك.
«پاتەر توناۋشىلار بىرنەشە قىلمىس جاساعان اككى قىلمىسكەرلەر. سوندىقتان ولار بەلگىلى ءبىر ادىسپەن جۇمىس ىستەيدى ءارى ءبىر-بىرىنە ۇقسايتىن جەرلەردە ۇرلىق جاسايدى. وسى رەتتە ءبىزدىڭ كومپيۋتەرلىك جۇيەمىز ستاتيستيكانى ساراپتاپ، ەندى قاي جەردە قىلمىس بولۋى مۇمكىن ەكەنىن كورسەتەدى. بۇل شىنىمەن دە جاقسى كومەكشى قۇرال. سونىڭ ارقاسىندا وقيعا ورىن الۋى مۇمكىن جەرگە قىزمەتكەرلەرىمىزدى جىبەرىپ، قىلمىستىڭ الدىن الامىز»، - دەيدى بەرلين پوليتسياسىنىڭ باسپا ءسوز قىزمەتىنىڭ جەتەكشىسى توماس نويەندورف.