08:25, 28 - تامىز 2016 | GMT +5
ءۇش مەكتەپ وقۋشىسى سەلفي جاساۋ ۇستىندە كولگە باتىپ كەتتى
استانا. قازاقپارات - ءۇندىستاننىڭ ورتالىعىنداعى شينگۆا سەلوسىنىڭ ماڭىنداعى كولگە 10-سىنىپتىڭ ءۇش وقۋشىسى سەلفي جاساماق بولعان كەزدە باتىپ كەتتى.

بۇل تۋرالى ت ا س س ماحاراشترا شتاتىنىڭ پوليتسياسىنا سىلتەمە جاساپ حابارلادى.
قۇقىق قورعاۋ ورگاندارىنىڭ مالىمەتتەرى بويىنشا، 15-16 جاستارداعى بەس بالا ولاردىڭ ءبىرىنىڭ تۋعان كۇنىن اتاپ ءوتۋ ءۇشىن كولدىڭ جاعاسىنا كەلگەن. ۇشەۋى سۋدىڭ جارقاباعىندا سەلفي جاساماق بولعان كەزدە، قۇلاپ كەتىپ، سۋعا باتا باستادى. قالعان ەكەۋى ولاردى قۇتقارماقشى بولدى، الايدا ولاردىڭ بىرەۋى دە ءجۇزۋ بىلمەيتىن. ولار دوستارىنا كومەكتەسە المادى، وزدەرى ارەڭ امان قالدى، بالالاردىڭ ايقايلاعان داۋىسىن ەستىگەن جەرگىلىكتى تۇرعىندار قۇتقارىپ قالدى.