08:13, 28 - تامىز 2016 | GMT +5
تۇركيادا ايەل- پوليتسەيلەرگە حيدجاب كيۋگە رۇقسات بەرىلدى
استانا. قازاقپارات - تۇركيادا ايەل پوليتسەيلەر اسكەري كيىمنىڭ ءبىر بولىگى رەتىندە حيدجاپ كيىپ جۇرە الاتىن بولدى، دەپ حابارلادى ر ي ا نوۆوستي Resmi Gazete باسىلىمىنا سىلتەمە جاساپ.

گازەتتە جاريالانعان قاۋلىعا سايكەس ايەل- پوليتسەيلەر اسكەري باس كيىمنىڭ استىنان ورامال تارتۋ قۇقىعىنا يە بولدى، ول دا اسكەري كيىم تۇسىمەن بىردەي ءارى سۋرەت بولماۋى ءتيىس.
بۇل جاڭالىقتى تۇركيانىڭ نەگىزگى وپپوزيتسيالىق حالىقتىق- رەسپۋبليكالىق پارتياسى باسشىسىنىڭ ورىنباسارى ۆەلي اكبابا سىنعا الدى، ول ونى پوليتسەيلەردىڭ «ادىلەتتى بولۋىنا كەرى اسەر ەتەدى»، دەپ اتادى.
«پوليتسەيدىڭ ءوزىنىڭ ءدىني ەرەكشەلىكتەرىن كورسەتۋى قوعامدا الاۋىزدىقتى كۇشەيتەدى»، دەگەن ونىڭ ءسوزىن كەلتىرگەن Cumhuriyet گازەتى.
2013 -جىلى سول كەزدە ەلدىڭ پرەمەر- ءمينيسترى قىزمەتىندەگى تايىپ ەردوعاننىڭ ۇكىمەتى 1923 -جىلى تۇرىك رەسپۋبليكاسىنىڭ نەگىزى قالانعاننان كەيىن ەلدە كۇشىندە بولعان مەملەكەتتىك قىزمەتشىلەرگە حيدجاپ كيۋگە تىيىمدى الىپ تاستاعان بولاتىن.