قازاقستان مەن پاكىستان ساۋدا-ەكونوميكالىق بايلانىستى كەڭەيتۋگە نيەتتى

كەزدەسۋ بارىسىندا حالىقارالىق كۇن ءتارتىبىنىڭ جانە قازاقستان-پاكىستان قارىم-قاتىناسىنىڭ وزەكتى ماسەلەلەرى تالقىلاندى، دەپ حابارلادى ق ر س ءى م باسپا ءسوز قىزمەتى.
تاراپتار 2015-جىلدىڭ تامىز ايىندا استاناعا كەلگەن پاكىستان پرەمەر-ءمينيسترى ناۆاز شاريف ساپارى بارىسىندا قول جەتكىزىلگەن ۋاعدالاستىقتاردىڭ جۇزەگە اسۋىنىڭ كوڭىلدەن شىققانىن ءبىلدىردى جانە الداعى ۋاقىتتا ساياسي، ساۋدا-ەكونوميكالىق، عىلىمي-تەحنيكالىق، مادەني-گۋمانيتارلىق جانە باسقا دا سالالارداعى ىنتىماقتاستىقتى تەرەڭدەتۋگە ءازىر ەكەندىكتەرىن راستادى.
س. فاتەمي استانا شتاب-پاتەرى بار ازىق-تۇلىك قاۋىپسىزدىگى جونىندەگى يسلام ۇيىمىنىڭ قۇرىلۋىن قۇپتادى جانە ازىق-تۇلىكپەن قامتاماسىز ەتۋدەگى وزەكتى ماسەلەلەردى بىرلەسىپ شەشۋ ءۇشىن ازىق-تۇلىك قاۋىپسىزدىگى جونىندەگى يسلام ۇيىمى جارعىسىنا پاكىستاننىڭ قوسىلاتىنىن مالىمدەدى.