10:10, 27 - تامىز 2016 | GMT +5
دانيار ەلەۋسىنوۆ: اۋەسقوي بوكستان كەتپەيمىن
استانا. قازاقپارات - ريو-دە-جانەيرو وليمپياداسىنىڭ چەمپيونى دانيار ەلەۋسىنوۆ اۋەسقوي بوكستا قالاتىنىن ايتتى.

بۇل تۋرالى ول كەشە استانادا وتكىزگەن باسپا ءسوز ءماسليحاتىندا ءمالىم ەتتى.
«مەن اۋەسقوي بوكستان كەتىپ، كاسىپقوي بوكسقا كوشەتىنىمدى ايتا المايمىن. وليمپيادانى جەڭگەننەن سوڭ، بوكستان كەتپەيمىن. مەن ءالى جاسپىن، كۇشىم سارقىلماعان، ەل نامىسىن ارى قاراي دا قورعاي بەرمەكپىن»، - دەدى ول و ك ق وتكەن جيىندا.
ايتا كەتەيىك، ريو-دە-جانەيرو قالاسىندا وتكەن جازعى وليمپيادا ويىندارىندا بوكستان 69 كەلىگە دەيىنگى سالماق دارەجەسىندەگى ساڭلاعىمىز دانيار ەلەۋسىنوۆ فينالدا وزبەك سپورتشىسى شاحرام گياسوۆتى ۇتىپ، ريو وليمپياداسىنىڭ چەمپيونى اتانعان بولاتىن.
اۆتور: جاسۇلان جولدىبايەۆ