04:01, 27 - تامىز 2016 | GMT +5
رونالدۋ ەۋروپانىڭ ۇزدىك فۋتبولشىسى اتاندى
استانا. قازاقپارات - فۋتبولدان پورتۋگاليا ۇلتتىق قۇراماسىنىڭ جانە مادريدتىڭ «رەال» كلۋبىنىڭ شابۋىلشىسى كريشتيانۋ رونالدۋ ەۋروپانىڭ ۇزدىك فۋتبولشىسى اتاندى.

بيىل ول ۇلتتىق قۇرامانىڭ جانە «رەال» كومانداسىنىڭ ساپىندا ەۋروپا چەمپيوناتى مەن چەمپيوندار ليگاسىن جەڭىپ الدى. مادريدتىڭ كلۋبىنىڭ قۇرامىندا 48 ماتچ وتكىزىپ، 51 دوپ سوقتى، قۇرلىق چەمپيوناتىنداعى 7 ويىندا 3 دوپتىڭ اۆتورى اتاندى.
ماراپاتتاۋ راسىمىندە رونالدۋدان باسقا ەۋروپانىڭ ۇزدىك فۋتبولشىسى اتاعىنا ۋەلستىڭ شابۋىلشىسى گارەت بەيل («رەال» مادريد) مەن فرانسيانىڭ جارتىلاي قورعاۋشىسى انتۋان گريزمانن («اتلەتيكو» مادريد) تالاستى. الايدا، ەۋروپانىڭ فۋتبول قاۋىمداستىقتار وداعىنا (ۋ ە ف ا) مۇشە ەلدەر جۋرناليستەرىنەن قۇرالعان قازىلار القاسىنىڭ شەشىمىمەن پورتۋگاليالىق تەڭبىل دوپ شەبەرى ەۋروپانىڭ ۇزدىگى اتاعىنا يە بولدى.
egemen.kz