اكادەميك قانىش ساتبايەۆتىڭ عىلىم- ءبىلىم تۋرالى ايتقان وي ورامدارى

استانا. قازاقپارات - اكادەميك قانىش يمانتاي ۇلى ساتپايەۆ - قازاق حالقى مەن قازاقستان تاريحىنداعى زور قۇبىلىس.
None
None

ول اسا كورنەكتى عالىم - گەولوگ عانا ەمەس، ءوز زامانىنىڭ ايگىلى تابيعات زەرتتەۋشىسى، جەر قويناۋىنىڭ جىرشىسى، الەمدىك ورەگە كوتەرىلگەن ويشىل تۇلعاسى. بۇگىن نازارلارىڭىزعا عالىمنىڭ عىلىم- ءبىلىم تۋرالى ايتقان وي ورامدارىن ۇسىنامىز.

***

ءوز ءبىلىمىن ءومىردىڭ، ءوندىرىستىڭ تاجىربيەلەرىمەن نىعايتىپ، بايىتىپ وتىراتىن، تاپقان ءىلىمىن ۇلكەندى- كىشىلى اشقان جاڭالىعىن حالىقتىڭ قاجەتىنە بەرىپ وتىراتىن عىلىم عانا ءوز دارەجەسىندە زامان تالابىنىڭ ورەسىندە بولادى.

***

عىلىم مايدانىنىڭ قاتارداعى جاۋىنگەرى تەك ۇنەمى وقۋ، ىزدەنۋ، تالپىنۋ، تانۋ، ءومىر مەكتەبىنەن ءوتۋ ارقىلى عانا ونىڭ ءىرى قايراتكەرى دارەجەسىنە دەيىن كوتەرىلەدى.

***

عالىمعا ازىق بەرەر قاينار كوزى كىتاپ بەتىمەن، لابوراتوريا اۋماعىمەن عانا شەكتەلمەيدى، ءومىردى تانۋمەن، ەڭبەك ادامىنىڭ جاسامپاز ءىسىن تانۋمەن كەڭ ءورىسىن تابادى.

***

ەڭبەك ەتپەسەڭ، جيعان ءبىلىمىڭ كادەگە جاراماي جاتقان مينەرال سەكىلدى. ونىڭ ءىشىن ارشىپ، اسىل كەنىن جارقىراتۋ ءۇشىن ەڭبەك كەرەك، قول مەن وي قيمىلى قاجەت.

***

... ءبىلىمىڭدى ەڭبەك پەن ءومىردىڭ وزىندە شىڭداپ وتىر! سوندا عانا ءبىلىم دەپ اتالاتىن اسىل تاس ەشقاشان توت باسپاستان جالتىراي دا جارقىراي بەرەدى.

***

ىسىڭىزگە، ەڭبەگىڭىزگە، وقۋىڭىزعا ناعىز ناعىز ادامگەرشىلىكپەن قاراساڭىز، ءسوز جوق، جەڭىسكە جەتەسىزدەر.

***

ءوز ەلىنىڭ قارا تاسىن ماقتان ەتە الماعان، وزگە جەردىڭ التىنىن دا ماقتاپ جارىتپاق ەمەس.

 

 

 

سوڭعى جاڭالىقتار