18:47, 26 - تامىز 2016 | GMT +6
زايساندا تابىلعان پاتشا قورعانىنا قورعانىس كۇمبەزىن ورناتادى
وسكەمەن. قازاقپارات - شىعىس قازاقستان اكىمى زايسان اۋدانىنا ارحەولوگيالىق قازبا ورنىنا كەلگەندە ەكسپەديتسيا باسشىسى ابدەش تولەبايەۆقا پاتشا قورعانىنا قورعانىس كۇمبەزىن ورناتۋعا ۋادە بەردى.
«شەشىم ارحەولوگيالىق جۇمىس ورنىندا عالىمدارمەن اڭگىمەلەسۋ بارىسىندا قابىلداندى»، - دەپ حابارلادى تەلەفون بويىنشا اكىمنىڭ باسپا ءسوز حاتشىسى.
اۋا رايىنىڭ قولايسىزدىعىنان، بۇلىنۋدەن قورعايتىن كۇمبەز مەتالدان جاسالادى. ونى قاتون- قاراعايدا بەرەل قورعانىندا ورناتۋ جوسپارلانۋدا. 88 مەترلىك قورعان شىنىعا بالاما ماتەريالدى ىزدەۋدى تالاپ ەتەدى.
بۇدان باسقا، دانيال احمەتوۆ ارحەولوگتارعا ءدىني ورىننان شىلىكتى كەنتىنە دەيىن اسفالت توسەۋگە ۋادە بەردى، بۇل جۇمىس كەلەسى جىلى جاسالادى.
ەسكە سالساق، زايسان اۋدانى شىلىكتى اۋىلىندا ءبىزدىڭ داۋىرىمىزگە دەيىنگى VII عاسىردا پاتشا قورعانىن اشۋ جۇمىستارىن اياقتايدى. قازبا بارىسىندا تابىلعان جادىگەرلەر الەمدىك عىلىمي زەرتحانالاردى تارتا وتىرىپ زەرتتەلەدى.
