بۇل بالانديننىڭ سوڭعى جۇلدەسى ەمەس - قۇراما باپكەرى

«ءبىزدىڭ جوعارى ناتيجە كورسەتۋىمىزگە قولداۋ جاساعان، بارلىق جاعدايىمىزدى جاساپ، جاتتىعۋعا قاجەتتىنىڭ بارشاسىمەن ءبىزدى قامتىعان ەل بيلىگىنە، فەدەراتسيامىزعا مىڭ العىس. ايتقىم كەلەتىنى، بۇل ەندى سوڭعى جۇلدە ەمەس. ەگەر بارلىعىن ساپالى، دۇرىس جاساپ وتىرسا، سپورتتا وسىنداي دميتري بالاندين سياقتى تالانتتار بولسا، جەتىستىككە جەتە الاتىندىعىمىزدى تۇسىندىك. بۇل - بارلىق كوماندانىڭ ۇزدىكسىز جۇمىسى، قازىرگى زامانعى تەحنولوگيالاردىڭ ارقاسى، ەگەر وسىلاردى ءبىر ارناعا ساۋاتتى توعىستىرا بىلسەك، ۇلكەن جەتىستىكتەرگە جەتەمىز. بىزگە سەنگەن بارشا جانعا ۇلكەن راحمەت!» - دەدى ول بۇگىن ورتالىق كوممۋنيكاتسيالار قىزمەتىندە وتكەن بريفينگتە.
ايتا كەتەيىك، ريو- دە- جانەيرو وليمپياداسىندا قازاقستاندىق ءجۇزۋشى دميتري بالاندين 200 مەترلىك براسس ادىسىمەن ءجۇزۋ جارىسىندا التىن مەدال ەنشىلەپ، ناعىز سەنساتسيا جاساعان بولاتىن. بۇل - قازاقستاننىڭ وليمپيادا ويىندارىندا جەڭىپ العان ءجۇزۋ سپورتىنداعى العاشقى التىن مەدالى.