ءسابينا التىنبەكوۆانىڭ بالاۋىز ءمۇسىنى ساتىلىمعا شىقتى - فوتو

استانا. قازاقپارات - سۇلۋ ۆولەيبولشى ءسابينا التىنبەكوۆانىڭ فاناتتارى ەندى ونىڭ دالمە-ءدال كوشىرمەسىن قولعا تۇسىرە الادى.

بۇل تۋرالى ەكسپرەسس ك باسىلىمى حابارلايدى.

سۇلۋلىعىمەن ءتانتى ەتكەن ۆولەيبولشىنىڭ بالاۋىز ءمۇسىنى ساتىلىمعا شىعارىلدى. ءسابينانىڭ كوشىرمەسىنە (ۇزىندىعى - 182 س م، اياعىنىڭ ءۇزىندىعى - 124 س م) eBay.com ينتەرنەت- پورتالى ارقىلى قول جەتكىزۋگە بولادى. كوشىرمەمەن بىرگە ۆولەيبول دوبى دا، ءتىپتى وزىنە ءتان كۇلكىسى دە بار.

ءمۇسىننىڭ قۇنى - 17 مىڭ دوللار. بۇل ساتىلىمعا شىعارىلىپ وتىرعان بالاۋىز مۇسىندەردىڭ اراسىندا باعاسى جاعىنان كوش باستاپ تۇرعانىن ايتا كەتۋ كەرەك. فۋتبولشى كريشتيانۋ رونالدۋ مەن اكتەر حيۋ دجەكماننىڭ مۇسىندەرىنىڭ ءوزى 16,5 مىڭ دوللاردان باعالانعان. سكارلەتت يوحانسون ءۇشىن دە وسى سوما سۇرالىپ تۇر.

ال «ارنولد شۆارتسەنەگگەردى» العىسى كەلگەندەر 15,3 مىڭ دوللار تولەۋى ءتيىس.

 

  Stan.kz