استانادا اتتى پاترۋل قوعامدىق ءتارتىپتى قورعايدى

استانا. قازاقپارات - استانا قالاسىنىڭ ءى ءى د جول- پاترۋلدىك پوليتسيا پولكىنىڭ كاۆالەريالىق ۆزۆودى قالانىڭ شەتىندە، ساياجايلار مەن ساياباق اۋماقتارىندا كۇن سايىن رەيد وتكىزەدى. اتقا مىنگەن ءتارتىپ ساقشىلارى پاترۋلدىك ماشينالار وتە المايتىن جەرلەردە قىزمەت اتقارادى،
None
None

 دەپ حابارلايدى ەلوردا اكىمدىگىنىڭ باسپا ءسوز قىزمەتى.

استاناداعى اتتى پوليتسيا 1992 -جىلى قۇرىلدى. وسى كۇنگە دەيىن كوپتەگەن اكىمشىلىك بۇزۋشىلىقتار مەن اۋىر قىلمىستار اشىلدى. جىل باسىنان بەرى اتتى پوليتسيامەن 700 جۋىق بۇزۋشىلىق تىركەلدى.

پوليتسەيلەر جۇمىسىنا تاڭعى 7-دەن باستاپ دايىندالادى، اتتارىن تازالاپ، تاماقتاندىرادى. كۇن سايىن اتقا مىنگەن 12 قىزمەتكەر جۇمىسقا شىعادى، بەلگىلەنگەن مارشرۋتتى 2 پوليتسەي پاترۋلدەيدى.

ات قوراداعى 80 جىلقىنىڭ تۇقىمى ءارتۇرلى - احالتەكە، بۋدەننىي، اعىلشىن، قوستاناي جانە ت. ب. ءار قىزمەتكەرگە 2 اتتان كەلەدى.

پوليتسيانىڭ كىشى سەرجانتى ەركەبۇلان احمەتكارىموۆتىڭ اتتى پوليتسيادا ىستەگەنىنە ءبىر جىلدان استى. وسى ۋاقىتتىڭ ىشىندە ول 128 اكىمشىلىك حاتتاما تولتىرعان.

- ورگانداردا قىزمەت ەتۋدى كىشكەنتايىمنان ارمانداعام، مەنىڭ اعالارىم دا ورگانداردا ىستەيدى، مەن سولاردىڭ جولىن قۋماق بولدىم. اتتى پوليتسيا تۋرالى العاش رەت تاعىلىمدامادان وتكەندە ءبىلدىم. بالا كەزىمدە اتپەن جۇرەتىنمىن، بالالىق شاعىمدى ەسكە تۇسىرگىم كەلدى، - دەيدى ول.

 ەركەبۇلاننىڭ ايتۋىنشا، بۇل جۇمىستاعى ەڭ باستى نارسە - اتپەن بايلانىس ورناتا ءبىلۋ. كەيىپكەرىمىز مارشرۋتقا سەرىكتەرى راكەتامەن جانە كاسكادپەن شىعادى.

- جىلقى - سەزىمتال جانۋار، ەگەر ادام اتتان قورىقسا، ول ونى جولاتپايدى. ال كەرىسىنشە، قورىقپاي، سيپاپ، وعان كۇتىم كورسەتسەڭ، ءبارى دە جاقسى بولادى، بايلانىس ورنايدى.

مەن اتتاردى جاقسى كورەمىن، جاندارىندا جۇرگەندى ۇناتامىن، - دەيدى ءتارتىپ ساقشىسى.

اتپەن پاترۋلدەۋ تەك جىلى كەزدە عانا جۇرگىزىلەدى، قىستا رەيدتەر جاياۋ جۇزەگە اسىرىلادى. اتتار ورتا ەسەپپەن 18-20 جىل بويى قىزمەت ەتەدى.

null

null

سوڭعى جاڭالىقتار