استانادا «ۇلى دالا تاريحى» كورمەسى اشىلدى

ۇلتتىق مۋزەيدە ءوتىپ جاتقان مادەني شاراعا قوجا احمەت ياساۋي اتىنداعى حالىقارالىق قازاق- تۇرىك ۋنيۆەرسيتەتى ونەر فاكۋلتەتىنىڭ ۇستازدارى مەن ماگيسترانتتارى سالعان 40-تان استام تۋىندى قويىلدى.
كورمە ەكى بولىمنەن تۇرادى. «ۇلى دالانىڭ ۇلى تۇلعالارى» بولىمىندە ابىلاي حان، كەرەي جانە جانىبەك حانداردىڭ جانە قازاقتىڭ ءۇش ءبيىنىڭ بەينەسى سۋرەتتەلگەن قىلقالام تۋىندىلارىن كورۋگە بولادى. ال ەكىنشى بولىمدە قازاق جەرىندە وتكەن وقيعالاردى باياندايتىن «وتىرار مونشاسى»، «تايقازان»، «قوجا احمەت ياساۋي كەسەنەسىنىڭ قۇرىلىسى» اتتى كارتينالاردى تاماشالاي الاسىز.
ومار باباجانوۆ، سۋرەتشى:
- ءار تاقىرىپتى ۋنيۆەرسيتەت تاريحشىلارىمەن، عالىمدارمەن، پروفەسسورلارمەن اقىلداسا وتىرىپ، كەڭەسە وتىرىپ، سولاردىڭ دەرەككوزدەرىنە سۇيەنە وتىرىپ كورىنىستەردى ورىنداپ شىقتىق. بۇرىن سالىنباعان حانداردى، سوڭعى حان كەنەسارى حاندى، سوسىن قاسىم حاندى بەينەلەپ شىقتىم.
www.24.kz