استاناعا ىرگەلەس جاتقان اۋداندار ەتنواۋىلدار قۇرۋ جوبالارىن دايىنداۋدا

استانا. قازاقپارات - «ەكسپو-2017» كورمەسى قارساڭىندا استانا ماڭىنداعى اۋىلداردىڭ ساۋلەتتىك كوركىن جاقسارتۋ مەن اباتتاندىرۋ جۇمىستارى جۇرگىزىلەدى.
None
None

بۇل تۋرالى «قازاقپارات» اگەنتتىگىنە اقمولا وبلىسى اكىمدىگىنەن حابارلاندى.

 «استاناعا ىرگەلەس ەلدى مەكەندەردى «ەكسپو-2017» حالىقارالىق كورمەسىنە دايىنداۋ جۇمىستارى اقمولا وبلىسى اكىمدىگىمەن كورمەنى دايىنداۋ جانە وتكىزۋدىڭ ءىس- شارالار جوسپارىمەن قاراستىرىلعان. بۇل رەتتە اقمولا وبلىسى رەسپۋبليكالىق جانە جەرگىلىكتى ماڭىزى بار جول تورابىن اباتتاندىرۋ، سەلينوگراد اۋدانى رودينا اۋىلىنا كىرەبەرىس جولىن قايتا جاڭارتۋ، سونىمەن قاتار اقمول اۋىلىنداعى جاڭا قۇرىلىس اۋدانىندا كوشە مەن جول جەلىسىنىڭ قۇرىلىسى، قوسشى اۋىلىندا كوشەلەر مەن جول جەلىلەرىن كۇردەلى جوندەۋ، ەلدى مەكەندەردىڭ ساۋلەتتىك كوركىن جاقسارتۋ، اباتتاندىرۋ، سونداي- اق جاڭا الەۋمەتتىك- مادەني ماقساتتاعى نىسانداردى سالۋدى جانە باسقا دا شارالاردى قامتىپ وتىر»، - دەيدى اكىمدىك وكىلدەرى.

بەلگىلى بولعانداي، اعىمداعى جىلى ەلورداعا ىرگەلەس ەلدى مەكەندەردى الەۋمەتتىك- ەكونوميكالىق دامىتۋدىڭ 2020 -جىلعا دەيىنگى كەشەندى جوسپارى اياسىندا اقمولا وبلىسى سەلينوگراد اۋدانىنداعى قاراوتكەلدى ەلەكتر جەلىسىمەن جابدىقتاۋ جوباسى ىسكە اسىرىلۋدا. جوبا اياسىنداعى جۇمىستاردى بيىلدىڭ ءتورتىنشى توقسانىندا اياقتاۋ كوزدەلگەن. رەسپۋبليكالىق بيۋدجەتتى ناقتىلاۋ كەزىندە سەلينوگراد اۋدانى قاجىمۇقان اۋىلىنداعى جاڭا قۇرىلىستى ەلەكتر جەلىسىمەن جابدىقتاۋ جوباسىن جۇزەگە اسىرۋدى باستاۋعا رەسپۋبليكالىق بيۋدجەتتەن قاراجات ءبولۋ جوسپارلانىپ وتىر.

 «استانادا «ەكسپو-2017» حالىقارالىق كورمەسىن دايىنداۋ مەن وتكىزۋگە بايلانىستى ەتنوتۋريزمدى دامىتۋ اسا وزەكتى بولىپ وتىر. وسى ورايدا استاناعا ىرگەلەس جاتقان اۋداندار ەتنواۋىلدار قۇرۋ جوبالارىن دايىنداۋدا. بۇل تۇرعىدا ارشالى، سەلينوگراد، اقكول، قورعالجىن، ەرەيمەنتاۋ جانە باسقا دا ەلدى مەكەندەر قامتىلعان. كورمەگە كەلگەن قاتىسۋشىلار مەن قوناقتاردى قابىلداۋعا ولارعا قىزمەت كورسەتۋ ءۇشىن ۇلتتىق نىشانداعى نىساندار قۇرىلىپ، ۇلتتىق تاعامدار مەن قولونەر شەبەرلەرىنىڭ بۇيىمدارى، سالت- ءداستۇرىمىز كوپشىلىك نازارىنا ۇسىنىلادى. ەكسكۋرسيالىق باعدارلامالاردى ۇيىمداستىرۋ بارىسىندا بۇل نىساندار كورمەگە كەلۋشىلەردى قابىلداۋ ءۇشىن قامتىلادى»، - دەپ حابارلاندى اقمولا وبلىسى اكىمدىگىنەن.

اۆتور: رۋسلان عابباسوۆ

سوڭعى جاڭالىقتار