چەحيانىڭ «الەم ارۋى» اتانعان سۇلۋلىق حانشايىمى يسلام ءدىنىن قابىلدادى
ارۋ قىز ەندى ءوزىنىڭ اتىن ءماريام دەپ وزگەرتىپ، بىرىككەن اراب امىرلىكتەرىنە قونىس اۋدارماقشى. «ءال- كۋدس ءال- ارابي» جۋرنالىنىڭ حابارلاۋىنشا، ماركەتا كورينكوۆا سوڭعى ءۇش جىلدان بەرى مۇسىلماندىقتى قابىلداۋدى ويلاپ جۇرگەن. وعان بۇل ءدىندى قابىلداۋعا يسلامداعى ايەل زاتىنا دەگەن قۇرمەت پەن ارتىقشىلىقتار اسەر ەتكەن ەكەن.
چەح ارۋى الەمگە ديزاينەر جانە كينواكتريسا رەتىندە دە تانىمال. ول گولليۆۋدتا شىققان بىرنەشە فيلمدە باستى رولدە ويناعان. سونىمەن بىرگە، FAMU كينواكادەمياسىنىڭ پراگاداعى بولىمشەسىنىڭ ديرەكتورى قىزمەتىن اتقارىپ، جارناما كومپانياسىنىڭ جۇمىسىن باسقارعان. لوندوندا كيىم تىگۋ وندىرىسىمەن اينالىسقان.
پراگاداعى كارل ۋنيۆەرسيتەتىن بىتىرگەننەن كەيىن اعىلشىن ادەبيەتى بويىنشا ماگيستر ديپلومىن العان. سودان كەيىن لوندونداعى كورولدىك ونەر كوللەدجىندە وقىپ، كينو جانە تەليەۆيدەنيە بويىنشا ماگيستر اتاعىن يەلەنگەن. بريتانيانىڭ ВВС تەلەكومپانياسىندا دا قىزمەت ەتىپ كورگەن.
«ەگەمەن قازاقستان»
