وبىلىس اكىمى قىزمەتتىك كولىككە مىنبەي، شاڭ باسقان كولىكپەن اۋىل ارالادى

وبلىس اكىمىمەن بۇرىن سوڭدى جۇزدەسىپ كورمەگەن پوليتسەي العان اسەرىن جاسىرا المادى، دەپ حابارلايدى NUR. KZ ءتىلشىسى.
« اۋداندىق ىشكى ىستەر ءبولىمىنىڭ تاپسىرماسى بويىنشا وبلىس اكىمىن كۇتىپ الۋعا شىقتىم. اكىمشىلىك قىزمەتكەرلەرى وبلىس اكىمىن ەگىس جاقتان كۇتكەن. ال بەردىبەك ماشبەك ۇلى اۋىلدىڭ وزىنە كەلىپ توقتادى. سول جەردە وبلىس اكىمىنە اۋىلدىڭ جاعدايىن باياندادىم، تىنىشتىعىن ايتتىم. اكىم «ءجۇرىڭىز، ءسىزدىڭ كولىگىڭىزبەن اۋىل ارالايمىن» دەگەندە ساسىپ قالدىم. سەبەبى وبلىس اكىمىن باسقا جولدا «دجيپ» كولىگى كۇتىپ تۇرعان بولاتىن. بەردىبەك اعامىز مەنىڭ كولىگىمنىڭ شاڭ باسىپ تۇرعانىنا قاراماستان ءمىنىپ الىپ، اۋىلدى ارالادى. جاستاردىڭ جاعدايىن، قىلمىستىق كورسەتكىشتى سۇرادى. وبلىس اكىمىنە اۋىلدى مەن ارالاتتىم، بارىنەن دە سول جەرى قىزىق بولدى. ەندى اكىم وتىرعان قۇتتى ورىندى شاڭ باسسا دا سۇرتپەيىن دەپ وتىرمىن»، - دەيدى اۋىلدىق ساقشى بولمشەسىنىڭ قىزمەتكەرى تەمىربەك نيازوۆ.
ءبىر جىلدان اسا ۋاقىت ۋچاسكەلىك پوليتسيا قىزمەتىندە جۇرگەن جاس پوليتسەي اكىممەن بولعان كەزدەسۋدەن العان اسەرىن وسىلاي ءبولىستى. ال اۋىل تۇرعىندارى وبلىس اكىمىن كورگەندە تاڭ قالعاندارىن جاسىرعان جوق.
«ءبىزدىڭ اۋىلعا 25 جىلدان بەرى بۇلاي وبلىستان اكىم كەلىپ كورمەگەن. مۇنداي جاعداي ءبىرىنشى رەت بولىپ تۇر. بەردىبەك ساپاربايەۆتىڭ ءوزى كەلىپ، حالىقپەن امانداسىپ، جاعدايىمىزدى سۇرادى. اۋىل تۇرعىندارىنىڭ بارلىعى جينالىپ، بۇرىن اكىم كورمەگەنىمىزدى ايتتىق. تۇرعىنداردىڭ ەڭسەسى كوتەرىلىپ قالدى»، - دەيدى اۋىل تۇرعىنى مۇحيت كەرەي ۇلى.
ۋچاسكەلىك پوليتسيا قىزمەتكەرىنىڭ كولىگىنە مىنگەن وبلىس اكىمى مەديتسينالىق پۋنكتكە، مەكتەپكە جينالعان حالىقپەن كەزدەسۋگە بارعان. ال وبلىس اكىمىن اۋىلعا كىرە بەرىستەن كۇتكەن اۋىلدىڭ شەندىلەرى باسشىنى حالىقتىڭ اراسىنان تاۋىپ الىپتى.
NUR. KZ