قازاقپارات مەملەكەتتىك ءتىلدىڭ اياسىن كەڭەيتۋگە ۇلەس قوسۋشى ۇزدىك سايت رەتىندە تانىلدى

استانا. قازاقپارات - بۇگىن استانا قالاسىنىڭ اكىمدىگى، تىلدەردى دامىتۋ باسقارماسىنىڭ ۇيىمداستىرعان بۇقارالىق اقپارات قۇرالدارى اراسىنداعى «ءتىل تۇعىرى-2016» بايقاۋىنىڭ قورىتىندىسى جاريالاندى.
None
None

ناتيجەسىندە حالىقارالىق «قازاقپارات» اگەنتتىگى مەملەكەتتىك تىلدە اقپارات بەرۋمەن بىرگە، شەت ەلدەردەگى قانداستارىمىزعا ارناپ لاتىن جانە توتە جازۋ قارپىمەن جاڭالىقتار تاراتىپ، سول ارقىلى قازاق ءتىلىنىڭ وزگە مەملەكەتتەردە قانات جايۋىنا ىقپال ەتكەنى ءۇشىن «مەملەكەتتىك ءتىلدىڭ قولدانىس اياسىن كەڭەيتۋگە ۇلەس قوسۋشى ۇزدىك ب ا ق» اتالىمى بويىنشا ماراپاتتالدى.

 اتالعان نوميناتسيا بويىنشا: «قازاقستان» ۇلتتىق تەلەارناسى، «24.kz» تەلەارناسى، «قازاق راديوسى» ، «انا ءتىلى» گازەتى ماراپاتتالدى. سونىمەن بىرگە «مەملەكەتتىك ءتىلدىڭ قولدانىس اياسىن كەڭەيتۋگە ۇلەس قوسۋشى ۇزدىك باعدارلاما» اتالىمى بويىنشا: استانا تەلەارناسىنىڭ «ءبىزدىڭ ۋاقىت» باعدارلاماسى، «قازاقستان» ۇلتتىق تەلەارناسىنىڭ «تاڭشولپان» باعدارلاماسى، استانا راديوسىنىڭ «بىرلىك» باعدارلاماسى. ەگەمەن قازاقستان گازەتىندە جاريالانعان «ءتىل- ۇلت تۇتاستىعىنىڭ تۇعىرى» ماقالاسى جانە «Ult.kz» سايتىنىڭ ماقالاسى ماراپاتتالدى. ال، مۇحاممەدالى بولات ۇلى، ۆلاديسلاۆ سوي، شولپان اقبالايەۆا، ايىمگۇل ءابىلوۆا سىندى تىلشىلەر «مەملەكەتتىك ءتىلدىڭ قولدانىس اياسىن كەڭەيتۋگە ۇلەس قوسۋشى ۇزدىك جۋرناليست» رەتىندە ماراپاتتالدى.

 null

 ريزابەك نۇسىپبەك  ۇلى 

سوڭعى جاڭالىقتار