چەحيالىق شەبەر جۇمىسقا باراتىن ۇشاق جاساپ العان

ول بۇرىن وسى ارالىقتى كولىكپەن 14 مينۋت ءجۇرىپ وتەتىن. جوبانى ىسكە اسىرۋ ءۇشىن ول 100 مىڭ كرون - شامامەن 4,1 مىڭ دوللار جۇمساعان.

اۋە كولىگىنە قۇراستىرىپ الۋعا ىڭعايلى امەريكانىڭ ءبىر موتورلى ۇشاعى نەگىز بولعان. وعان جەرگىلىكتى Verner كومپانياسىنىڭ 3 سيليندرلى موتورى ورناتىلعان.

ۇشاق ءبىر ساعاتتا 6 ليتر جانارماي شىعىندايدى جانە ساعاتىنا 150 كيلومەتر جىلدامدىقپەن ۇشادى. حادراۆا جۇمىسىنا تىكە ۇشسا 4-5 مينۋتتا جەتۋگە بولادى دەيدى، الايدا ول ادامدارعا كەدەرگى جاساماس ءۇشىن كەي جەرلەردى اينالىپ وتەدى.

نەگىزگى كەمشىلىك - ۇشاق تەك كۇن رايى اشىق كۇندەرى عانا اۋەگە كوتەرىلەدى. سونىمەن قاتار، ونى ۇشاتىن الاڭعا جەتكىزۋ، قاناتتارىن قۇراستىرۋعا كەتەتىن ۋاقىتتى ەسەپكە السا 7 مينۋتتان اسىپ كەتەدى.

 فرانتيشەك حادراۆا بۇرىننان بەرى ۇشاققا قىزىعادى، ول ءبىرىنشى دۇنيەجۇزىلىك سوعىس كەزىندەگى نەمىستىڭ Fokker Dr. I جويعىشىن ءوز قولىمەن جاساپ العان.