07:13, 26 - تامىز 2016 | GMT +5
پاۆلودار وبلىسىندا باستاۋىش سىنىپ ۇستازدارى جەتكىلىكسىز
استانا. قازاقپارات - پاۆلودار وبلىسىندا باستاۋىش سىنىپ ۇستازدارى جەتكىلىكسىز، دەپ حابارلايدى pavlodarnews.kz.

بۇل تۋرالى وبلىستىق ءبىلىم بەرۋ قىزمەتكەرلەرىنىڭ تامىز كونفەرەنسياسىندا باسقارما باسشىسى باقىت بەكسەيىتوۆا ءمالىم ەتتى.
«وبلىسىمىزدا باستاۋىش سىنىپ مۇعالىمدەرى تاپشى. جىل سايىن كوللەدجدەرگە مەملەكەتتىك تاپسىرىس جاسالىپ، 140 ستۋدەنت تەگىن ءبىلىم الادى. بيىل اتالمىش ماماندىق بويىنشا ارنايى ورتا وقۋ ورىندارىن 158 تۇلەك بىتىرسە، ج و و- دا 18 ستۋدەنت ديپلوم الدى. دەسە دە، بارلىعىن جولدامامەن جۇمىسقا جىبەرسەك تە، ءالى دە 70 ۇستاز جەتىسپەي تۇر. ۇستازداردىڭ باسىم بولىگى پاۆلودار قالاسىندا قاجەت»، - دەدى باقىت بەكسەيىتوۆا.
باسقارما باسشىسىنىڭ ايتۋىنشا، بۇل ماسەلەنى شەشۋ ءۇشىن، اۋدان اكىمدەرىنىڭ گرانتىن وسى ماماندىققا كوپتەپ ءبولۋدى قولعا الۋ كەرەك.