ماڭعىستاۋدا سارمات مادەنيەتىنىڭ ءىزى تابىلدى - فوتو

اقتاۋ. قازاقپارات - سارماتتار - ەجەلگى تەمىر عاسىرىنىڭ كوشپەندى مادەنيەتىنىڭ وكىلدەرى. بۇدان بۇرىن دوننان ورالعا دەيىنگى اۋماقتى مەكەندەگەن (رەسەي، ۋكراينا، قازاقستان).

ەندى قازاقستان مەن رەسەيدىڭ بىرلەسكەن جوباسىنىڭ اياسىندا تاريحشىلار ولاردىڭ ءومىرىنىڭ گەوگرافيالىق اياسىن كاسپيگە دەيىن كەڭەيتتى.

«سارماتتار كونە داۋىردە قازاقستاننىڭ باتىس ولكەلەرىن، وڭتۇستىك ورال القاپتارىن مەكەندەگەن. ق ر اۋماعىندا قىستاعان. بىزدە تابىلعان كەراميكالىق ىدىستار سىزدەردە كەزدەسىپ جاتقانى ۇلكەن جاڭالىق بولدى. تۇتاستاي، سارمات مادەنيەتىنىڭ ەسكەرتكىشتەرى، ونىڭ ىشىندە ماڭعىستاۋ وبلىسىندا تابىلعان كەراميكا وڭتۇستىك ورال سارمات ەسكەرتكىشتەرى مەن مادەنيەتىمەن بىردەي. بۇل اقپاراتتىڭ بارلىعى مەنىڭ باتىس قازاقستاننىڭ كەراميكاسى بويىنشا ەجەلگى تەمىر عاسىرىنىڭ سارمات مادەنيەتى مونوگرافيامدا جازىلعان. كىتاپتاردا سارماتتار دوننان ورالعا دەيىن مەكەن ەتكەن دەپ جازىلعان. جاڭا زەرتتەۋدىڭ ارقاسىندا ولار دوننان كاسپييگە دەيىن تۇرعانىن دا بىلۋگە بولادى. بۇل اقپاراتپەن قازاقستان وقۋلىقتارىن كەڭەيتۋگە بولادى»، - دەپ قورىتىندىلادى جۇمىسىن تاريح عىلىمدارىنىڭ كانديداتى، ورىنبور پەداگوگيكالىق ۋنيۆەرسيتەتىنىڭ ارحەولوگيا مۇراجايىنىڭ مەڭگەرۋشىسى ليۋدميلا كرايەۆا.

ەكى ەلدىڭ بىرلەسكەن جوباسى، - ونىڭ ايتۋىنشا، 4 جىلعا ارنالعان. كەراميكانى ول ەرەكشە ادىسپەن زەردەلەۋدە. ونىڭ نەگىزىن قالاۋشى ت. ع. د الەكساندر بوبرينسكوي. ونىڭ ادىستەمەسى كەراميكانى ميكروسكوپپەن الىنعان دەرەكتەر ارقىلى زەردەلەۋگە نەگىزدەلگەن. سونداي- اق ەتنوگرافيالىق ەڭبەكتەر، ارحەولوگيالىق دەرەكتەر تارتىلۋدا.

ىدىستار شەبىر (ماڭعىستاۋ وبلىسى ماڭعىستاۋ اۋدانى)، سارىقامىس (بەينەۋ اۋدانى) ەلدى مەكەندەرىنەن تابىلعان. ولار ءوڭىردىڭ تاريحي- ولكەتانۋ مۇراجايىندا جانە تاريحي- مادەني قورىعىندا زەرتتەلدى.