قازاقستان مەن وزبەكستان شەكاراسى ۋاقىتشا جابىلدى

استانا. قازاقپارات - 2016 -جىلدىڭ 23 -ماۋسىمىندا وزبەكستان رەسپۋبليكاسى زانگيوتا باعىتىنداعى شەكارالىق وكىلدىگىنەن ق ر ۇلتتىق قاۋىپسىزدىك كوميتەتى شەكارا قىزمەتىنىڭ 2020 اسكەري ءبولىمىنىڭ اتىنا قىزمەتتىك حات كەلىپ ءتۇستى.
None
None

وندا اتالعان باعىتپەن ازاماتتاردى وتكىزۋگە ۋاقىتشا شەكتەۋ ەنگىزىلەتىنى حابارلانعان.

«تاراپتاردىڭ مەملەكەتتىك شەكاراداعى وتكىزۋ بەكەتتەرىنەن ازاماتتاردى وتكىزۋ ماسەلەلەرى بويىنشا ءوزارا ارەكەتتەستىك اياسىندا، 2016 -جىلدىڭ 22 -تامىزىنان 2016 -جىلدىڭ 4 -قىركۇيەگىنە دەيىنگى ارالىقتا وزبەك- قازاق شەكاراسىنىڭ اۆتوجولىنداعى وتكىزۋ بەكەتىنەن تۇلعالاردى وتكىزۋگە ۋاقىتشا شەكتەۋ ەنگىزىلەتىنىن حابارلايمىز»، - دەلىنگەن قۇجاتتا.

ق ر ۇ ق ك شەكارا قىزمەتىنىڭ باسپا ءسوز قىزمەتىنەن حابارلانعانىنداي مەملەكەتتىك شەكارانىڭ وتكىزۋ بەكەتتەرىنەن مىناداي تارتىپتەر بويىنشا وتكىزۋگە شەكتەۋ بولمايدى: ديپلوماتيالىق وكىلدىكتەر مەن حالىقارالىق ۇيىمدار قىزمەتكەرلەرىنە؛ رەسمي دەلەگاتسيا قۇرامىندا جۇرگەن تاراپ ازاماتتارىنا؛ وتانىنا قايتىپ كەلە جاتقان تاراپ ازاماتتارىنا؛ جەدەلحاتتار مەن شاقىرتۋلارى (تۋىستارىنىڭ اۋىرۋىنا بايلانىستى، ءولىم- ءجىتىم شارالارىنا قاتىسۋعا) جانە ەكىنشى تاراپتىڭ اۋەجايىنان ۇشۋ ءۇشىن اۆيابيلەتتەرى بار ازاماتتارعا؛ ءبىر مەملەكەتتىڭ اۋماعىندا ورنالاسقان ەكىنشى مەملەكەتتىڭ وبەكتىلەرىندە قىزمەت ىستەيتىن ازاماتتارعا؛ حالىقارالىق اۆتوكولىكتىك جۇك تاسىمالىن جۇزەگە اسىراتىن تاراپ ازاماتتارىنىڭ جۇرگىزۋشىلەرىنە.

اۆتور: قانات مامەتقازى ۇلى

سوڭعى جاڭالىقتار