عالىمدار: كوك ءشاي قان تامىرلارىنىڭ جارىلىپ كەتۋىنىڭ الدىن الادى

 استانا. قازاقپارات - جەر بەتىندە وزگە حالىقتارعا قاراعاندا الدەقايدا ۇزاق ءومىر سۇرەتىن جاپونداردىڭ 80 پايىزى ءار كۇن سايىن كوك شاي ىشەدى ەكەن. بۇل تۋرالى قازاقستان جاڭالىقتارى حابارلايدى.
None
None

عالىمداردىڭ ايتۋى بويىنشا كوك شاي ءىشۋ ارقىلى قان جانە كۇرە تامىرلاردىڭ كەڭەيىپ كەتۋىنە جول بەرمەۋگە بولادى ەكەن.

قۇرساق قولقاسىنىڭ جىڭىشكەرۋى جانە ونىڭ كەنەتتەن ءۇزىلۋى - ەگدە جاستاعى ادامداردىڭ ءولىمىنىڭ باستى سەبەبى. زەرتتەۋ بويىنشا ەگدە ەركەكتەردىڭ 2-8 پايىزى 65 جانە ودان جوعارى جاتا اتالعان پروبلەمامەن زارداپ شەگەدى ەكەن. ءار جىل سايىن تامىرلاردىڭ اجىراۋى جەر بەتىندە 150 مىڭنان استام ادامنىڭ ءومىرىن قيادى.

«قۇرساق قولقاسىنداعى قان تامىرلارىنىڭ كەڭەيۋى ادامدارعا بىردەن بىلىنبەيدى ەكەن. قاشان ارتەريالار جارىلمايىنشا ەشقانداي سيمپتوم بايقالمايدى. ەگەر ادام دەنساۋلىعىنداعى سونداي اقاۋدى بايقاي السا وعان وپەراتسيا جاساپ، وعان جاساندى تامىر سالىپ نەمەسە دەنەنىڭ باسقا بولىگىن قويۋعا تۋرا كەلەدى. ويتكەنى، قازىرگى تاڭدا بۇل اۋرۋدى ەمدەۋدىڭ ەشقانداي فارماكولوگيالىق ءادىسى جوق»، - دەيدى كيوتو ۋنيۆەرسيتەتىنىڭ مامانى كەندزي ميناكاتا.

كۇندەلىكتى تۇتىناتىن ازىق- تۇلىكتەردەگى ءارتۇرلى بيولوگيالىق بەلسەندى زاتتاردىڭ ەگدە تارتقان تىشقاننىڭ جۇرەگى مەن تامىرلارىنا قالاي اسەر ەتەتىنىن زەرتتەگەن ميناكاتا مەن ونىڭ ارىپتەستەرى، بۇل قيىندىقتىڭ زاردابىن تومەندەتەتىن ءادىس ويلاپ تاپقان.

ولاردىڭ سىناق- تاجىريبەسى كورسەتكەندەي، كوك ءشاي قۇرامىنداعى ۇلكەن كولەمدە ساقتالاتىن پوليفەنولدى بىرىگۋلەر تىشقان دەنەسىندەگى قۇرساق قولقا تامىرلارىنا جاقسى اسەر ەتىپ، تامىرلاردىڭ كەڭەيۋى مەن ولاردىڭ جارىلۋىنىڭ الدىن الاتىنى بايقالعان.

بيولوگتاردىڭ ايتۋىنشا، كوك شايدەگى كۇشتى انتيوكسيدانتتار تامىر جاسۋشالارىنىڭ جارىلۋىنا جول بەرمەي، ولاردى قالپىنا كەلتىرۋ پروتسەسىنە باعىتتاعان. عالىمدار سىناق ءۇشىن تىشقاندى بەكەر تاڭداپ الىپ وتىرعان جوق. ادام مەن تىشقاننىڭ ورگانيزمى وتە ۇقساس بولىپ كەلەدى.

«كۇن سايىن كوك ءشاي ءىشۋ قان تامىرلارىنىڭ كەڭەيۋىنە باعىتتالعان بىردەن- ءبىر ستراتەگيالىق قادام دەپ ساناۋعا بولادى. ءبىز كەلەسى تاجىريبەلىك جۇمىسىمىز بارىسىندا ءشايدىڭ قانشالىقتى مولشەردە ءىشىلۋ كەرەكتىگىن ايتامىز»، - دەيدى ميناكاتانىڭ ۋنيۆەرسيتەتتەگى ارىپتەسى حيدەتوسي ماسۋموتو.

سوڭعى جاڭالىقتار