قازاقستان ارمياسىنا «ارلان» العاشقى بروندالعان ماشينالارى قوسىلدى

«كازاحستان پاراماۋنت ينجينيرينگ» ج ش س ماشينالاردى ق ر قورعانىس مينيسترلىگىنىڭ اسكەري بولىمىنە شارت بويىنشا جەتكىزدى.
بۇدان باسقا، كاسىپورىن ينجەنەرلەرى بولىمشەلەر جەكە قۇرامىن وقىتتى، دەپ حابارلادى «كازاحستان - ينجينيرينگ» ۇ ك» ا ق باسپا ءسوز قىزمەتىندە.
«ارلان - كوپ ماقساتتى بروندالعان ميناعا قارسى قورعانىسى كۇشتى كولىك. مۇنداي تۇردەگى كولىكتىڭ جارىعى قۋاتتى، V- ۇلگىدەگى باۋىرى - سىنىققا قارسى تۇرىپ، جارىلىس ەنەرگياسىن سەيىلتە الادى. ميناعا قارسى قورعانىسى جوعارى، كەز كەلگەن قارۋدان اتقان وقتى وتكىزبەيدى. سالماعى 16 توننا. ماشينا ەكيپاجى 2-8 ادام. ونىڭ جىلدامدىعى ساعاتىنا 100 شاقىرىمعا دەيىن داميدى.
«ماشينا وتە مىقتى. ول قازىر سىناقتان وتۋدە. ونىڭ جوعارى قاۋپىسىزدىگى مەن جايلىلىعىن بىردەن بايقاۋعا بولادى. تاتىستى باسقارۋى تولىقتاي كومپيۋتەرلەندىرىلگەن» ، - دەپ اتاپ ءوتتى بولىمشەنىڭ اسكەري قىزمەتشىسى.
«ارلان» 50⁰- تان 50⁰ + قا دەيىنگى تەمپەراتۋرادا قاتاڭ كليماتتىق جاعدايعا تولىق بەيىمدەلىپ جاسالعان.
العاش رەت «ارلان» كولىگى استانادا بيىل ماۋسىمدا وتكەن «KADEX-2016» 4 - حالىقارالىق كورمەسىندە كورسەتىلگەن. مۇنداي تەحنيكانىڭ انالوگى رەسپۋبليكانىڭ قارۋلى كۇشتەرىندە جوق.