قازاقستاندا جەتى اتا تۋرالى مالىمەت جينايتىن تەلەفون قوسىمشاسى ىسكە قوسىلدى

استانا. قازاقپارات - ءبىر توپ باستاماشىل جاستار Zheti Ata دەپ اتالاتىن جاڭا ءموبيلدى قوسىمشا جاساپ شىعاردى، دەپ حابارلايدى NUR. KZ.
None
None

ءبىر توپ جاس ماماندار بىرلەسە وتىرىپ جاساپ شىعارعان بۇل قوسىمشانىڭ اتاۋى «جەتى اتا» دەپ اتالعانى بەكەر ەمەس. قازاقتاردىڭ جۇزگە، رۋعا ءبولىنۋ، سول ارقىلى جەتى اتاعا دەيىنگى ءتۇپ- تامىرىڭدى ءبىلۋى - ەش حالىقتا جوق ەرەكشەلىك. سوندىقتان، بۇل جاڭا قوسىمشانى ويلاپ تابۋداعى باستى ماقسات - الەمدەگى قازاقتاردىڭ باسىن بىرىكتىرىپ، ولاردىڭ ءبىرىن- ءبىرى تاني تۇسۋىنە ىقپال ەتۋ، ارالاستىرا وتىرىپ جاقىنداستىرۋ.

ۇيىمداستىرۋشىلاردىڭ ايتۋىنشا اتالعان قوسىمشا قازاقستاندىق App Store قوسىمشالار دۇكەنىندە قازىر جۇكتەپ الۋ جونىنەن 1-ورىندا تۇر. قوسىمشا ارقىلى كەز كەلگەن ادام ءوز اتا- باباسى تۋرالى اقپاراتتار مەن جازبالاردى ساقتاي الادى. سونىمەن بىرگە، تۋىسقاندارمەن سويلەسۋگە ارنالعان ورتاق چات تا قاراسىتىرىلعان. باستاماشىل توپتىڭ جاڭالىعىنا جاستار دا، جاسى 35 تەن اسقان ادامدار دا قىزىعۋشىلىعىن تانىتىپ وتىر.

ماسەلەن، بۇل باستاماعا قولداۋ بىلدىرگەندەر قاتارىنداعى ايجان حاميت ءوز Facebook نا بىلاي دەپ جازعان:

«ەركەبۇلان ساپاروۆ جانە ونىڭ كومانداسى جاڭا ZHetiata دەپ اتالاتىن قوسىمشا جاساپ شىعاردى. وعان ءوزىڭنىڭ جەتى اتاڭدى جازىپ، رۋلاستارمەن ارالاسۋىڭا بولادى. وسىلايشا، تۋىسقانىڭا عاشىق بولىپ قالۋدان ساقتاناسىڭ. مەن قوسىمشانى تۇرلەندىرۋ جونىندە ءوز الىپ- قوسارىمدى ايتتىم. مەندە جەتىپ ارتىلاتىن الىس تۋىستارىمدى كەزدەستىرگىم كەلەدى. ماسەلەن، جەتى اتاڭدى تۇگەلىمەن جازاسىڭ، ال جۇيە سەنىكىنە كەلەتىن ادامداردى كورسەتىپ بەرەدى. اللا قولداپ، بۇل كوماندانىڭ ويلاعانى ىسكە اسسا، قوسىمشانىڭ جەتىلگەن تۇرىنە دە كورە جاتارمىز» ، - دەدى ول.

قوسىمشانى جاساعان جاس ماماندار: اسان تولەۋوۆ، ءداميلا جانتايەۆا، ءباتيما شاعيەۆا، ەركەبۇلان ساپاروۆ. 

سوڭعى جاڭالىقتار