ق ر اۋىر اتلەتيكا فەدەراتسياسى دوپينگ داۋىنا ىلىككەن سپورتشىلارعا قولداۋ كورسەتەدى

ءاربىر زاڭدىق كەزەڭدەردەن كەيىن ق ر ا ا ف باسپا ءسوز ارقىلى قوعامعا تىڭ اقپاراتتار ۇسىنىپ وتىرادى، دەپ حابارلادى فەدەراتسيانىڭ باسپا ءسوز قىزمەتى.
ەسكە سالا كەتەيىك، حالىقارالىق اۋىر اتلەتيكا فەدەراتسياسى بەيجىڭ وليمپياداسىندا دوپينگ- سىناماسى وڭ ناتيجە بەرگەن زىلتەمىرشىلەردىڭ ءتىزىمىن جاريا ەتتى. ولاردىڭ قاتارىندا ءتورت قازاقستاندىق سپورتشى: ۆلاديمير سەدوۆ، مايا مانەزا، ماريا گرابوۆەتسكايا مەن يرينا نەكراسوۆا بار.
حالىقارالىق وليمپيادا كوميتەتىنىڭ جانە دۇنيەجۇزىلىك انتيدوپينگتىك اگەنتتىكتىڭ ەرەجەلەرىنە سايكەس، لوزاننادا ق ر ۇ و ك وكىلدەرىنىڭ قاتىسۋىمەن «ب» دوپينگ- سىناماسىن قايتا تەكسەرۋ شاراسى ءوتتى، وندا دا سپورتشىلاردىڭ قانىنان تىيىم سالىنعان زاتتار انىقتالدى. ولاردىڭ قاتارىندا يليا يلين، سۆەتلانا پودوبەدوۆا، ءزۇلفيا چينشانلو جانە مايا مانەزا دا بولعان ەدى.
اۆتور: جاسۇلان جولدىبايەۆ