نۇرسۇلتان نازاربايەۆ بەلگرادتا جامبىلدىڭ ءمۇسىنىن اشتى

«بۇل ەسكەرتكىش ۇلى دالا گومەرى اتانعان اقىننىڭ تۋعانىنا 170 جىل تولۋىنا وراي اشىلىپ وتىر. مەن كەشە جانە بۇگىن سەربيا پرەزيدەنتى توميسلاۆ نيكوليچپەن وتە جەمىستى كەلىسسوزدەر وتكىزدىم. ولار بارىنشا جەمىستى بولدى. ءبىز ەلدەرىمىز اراسىنداعى دوستىقتى، ىنتىماقتاستى نىعايتۋ ءتۇسۋىمىز قاجەت ەكەندىگىن بىلدىرەدى»، - دەدى قازاقستان پرەزيدەنتى.
مەملەكەت باسشىسى وسى رەتتە بۇگىنگى شارا قازاق حالقىنىڭ اقىن- جازۋشىلارىنىڭ سەرب تىلىنە، ال سەرب قالامگەرلەرىنىڭ تۋىندىلارى قازاق تىلىنە اۋدارىلۋىنا تۇرتكى بولۋىنا تىلەكتەس ەكەندىگىن باسا ايتتى.
«ءبىز حالقىمىزدى، جاستارىمىزدى ءبىر- بىرىمەن جاقىنداتا تۇسەتىن بولامىز. ءبىز ءوز جاستارىمىزدى سەربياعا، ال سىزدەر سەرب جاستارىن ءبىزدىڭ ەلوردامىزدا ءبىلىم الۋعا جىبەرۋگە ۋاعدالاستىق. بۇل بولاشاقتا ءبىزدىڭ حالىقتارىمىزدى جاقىنداتا تۇسەدى. بۇعان قوسا، مەن قازاقستانداعى سەربيا جانە سەربياداعى قازاقستاننىڭ مادەني كۇنەرىن وتكىزۋدى ۇسىنامىن»، - دەدى ن. نازاربايەۆ.
جامبىل ءمۇسىنىنىڭ اشىلۋىنا سەربيا پرەزيدەنتى توميسلاۆ نيكوليچ، بەلگراد مەرى مەن قالا تۇرعىندارى قاتىسىپ، الماتى وبلىسى فيلارمونياسىنىڭ انشىلەرى جىردان شاشۋ شاشتى.