تۇركيا تانكىلەرى سيرياعا كىردى

سيريالىق دجارابلۋس ماڭىنداعى وپەراتسيا «ي م» تەررورلىق ۇيىمى جانە سيريالىق كۇردتەرگە قارسى باعىتتالعان، دەپ مالىمدەدى تۇركيا پرەزيدەنتى رەدجەپ ەردوعان. بۇل تۋرالى ر ب ك حابارلادى.
تۇرىك تانكىلەرى «ەۆفرات قورعانى» وپەراتسياسى اياسىندا سيريالىق دجارابلۋس قالاسىنا كىردى. Reuters ءتىلشىسى شەكارادا التى تانكى كورگەن. تۇرىك ۇشاقتارى مەن ارتيللەريا ءبىر ۋاقىتتا سوققىلار جاسادى.
تۇركيا پرەزيدەنتى رەدجەپ ەردوعان 24 -تامىزدا سوعىس وپەراتسياسىنىڭ باستالعانى جايلى رەسمي مالىمدەدى. ونىڭ ايتۋىنشا، ول «يسلام مەملەكەتى» تەررورلىق ۇيىمىنا جانە كۇردتەردىڭ جەكە قورعانىس كۇشتەرىنە قارسى. پرەزيدەنت ەردوعاننىڭ ايتۋىنشا، تۇركيا شەكارالىق اۋماقتاعى شابۋىلدارعا وسىمەن نۇكتە قويماق.
تۇرىك قارۋلى كۇشتەرى 24 -تامىز، تاڭەرتەڭ سيريا شەكاراسى ماڭىندا سوعىس وپەراتسياسىن باستادى. تانكىلەر مەن اۆياتسيا «ي م» نىساندارىنا بويىنشا سوققى جاسادى. تۇرىك اسكەرى تانكىمەن جالپى 70 سوققى جاساپ، اۆياتسيا 12 نىسانانى زاقىمدادى.