بىزگە باعدارلاماشى ماماندار قاجەت - ق ر پرەمەر- ءمينيسترى

تاراز. قازاقپارات - كەشە جامبىل وبلىسىنا جۇمىس ساپارى اياسىندا ق ر پرەمەر- ءمينيسترى كارىم ءماسىموۆ جاستارمەن مەملەكەتتىك جاستار ساياساتىن جۇزەگە اسىرۋ بارىسىن تالقىلادى.

 «بارلىعى ءبىلىم الۋدان باستالادى. سىزدەر ІТ سالاسىندا مامانداردى دايارلاۋداعى وتە ماڭىزدى تاقىرىپتى قوزعادىڭىزدار. بىزدە باعدارلاماشىلار، ІТ بويىنشا ماماندار كەيبىر كورشىلەس ەلدەرمەن سالىستىرعاندا ازداۋ. ال بولاشاقتا سىزدەردىڭ بۋىندارىڭىز باسقا الەمدە ءومىر سۇرەدى. وسى رەتتە الداعى بولاشاق الەمدە ІТ وكىلدەرىنسىز ءومىر ءسۇرۋ قيىنداۋ بولارى انىق. مەنىڭ ويىمشا، ءبىز بۇل باعىتتا ءتيىستى شەشىمدەر جاسايتىن بولامىز»، - دەدى ك. ءماسىموۆ.

 ءوز كەزەگىندە قازاقستاندا ІТ ماماندارىن دايارلاۋ جاعدايىنا بويىنشا ءسوز العان ءبىلىم جانە عىلىم ءمينيسترى ە. ساعاديەۆ جاقىن بولاشاقتا جاپپاي قامتيتىن ІТ بولاتىنىن اتاپ ءوتتى.

 2019 -جىلعا قاراي بۇل ءپان بارلىق جوعارى سىنىپتاردا، كوللەدجدەردە وقىتىلادى. جالپى، ІТ سالاسى بارشا وقۋ ورىندارىندا ءبىلىم بەرۋدىڭ بارلىق دەڭگەيىن قامتىماق.

 «ءبىزدىڭ قارقىندى دامۋ مۇمكىندىگىمىز اسىرەسە، جاستاردى جاڭا تەحنولوگيالارعا تەز ارادا وقىتۋعا نەگىزدەلىپ وتىر. ومىردەگى وزگەرىستەر ەكپىندى ءجۇرىپ جاتىر، ەگەر دە وسى قارقىنعا ۇلگەرمەسەك، مۇمكىندىكتەردەن قاعىلامىز. اتاپ ايتقاندا، وسى جەردە وتىرعانداردىڭ ءارقايسىسىندا ينتەرنەتى بار، وسى رەتتە وسى وزگەرىستەر قالاي جىلدام ءجۇرىپ جاتقاندىعىن ەلەستەتە الاسىزدار. ءداستۇرلى ادىستەرمەن قاتاردا قالۋ قيىنداۋ بولادى. سوندىقتان، بىزگە وسى باعىتتا سەرپىلىس كەرەك جانە ساپالى بىلىمگە ەرەكشە ءمان بەرۋىمىز قاجەت»، - دەدى ك. ءماسىموۆ.

ايتا كەتەيىك، مەملەكەتتىك جاستار ساياساتى ماسەلەسى بويىنشا كەڭەسكە جاستار وكىلدەرى، جەرگىلىكتى اتقارۋ جانە قۇقىق قورعاۋ ورگاندارى، ءوڭىر جۇرتشىلىعى قاتىستى.