پاۆلودار وبلىسىنىڭ اكىمى يگەرىلمەي جاتقان جەر تەلىمدەرىن حالىققا قايتارۋدى ۇسىندى

 استانا. قازاقپارات - پاۆلودار وبلىسىنىڭ اكىمى اۋدان باسشىلارىنىڭ پايدالانىلماي جاتقان جەر ۋچاسكەلەرى بويىنشا جۇمىسى تۋرالى ەسەپتەرىن تىڭداۋدى باستادى.
None
None

ەڭ ءبىرىنشى بولىپ كاچير اۋدانىنىڭ باسشىسى شۇعايەۆ جانات پەن اۋىلدىق وكرۋگتەردىڭ اكىمدەرى ەسەپ بەردى، دەپ حابارلايدى pavlodarnews.kz.

 جينالىستىڭ الدىندا ايماق باسشىسى بۇعان دەيىن تالاي مارتە يگەرىلمەي جاتقان جەر تەلىمدەرىن انىقتاپ، ولاردىڭ قوجايىندارىن ناقتى جۇمىس ىستەۋگە شاقىرۋ كەرەكتىگى تۋرالى ەسكەرتكەنىن ايتتى. پايدالانۋعا العان جەردى وڭدەمەگەن شارۋالار جەر ۋچاسكەسىن قايتارۋى ءتيىس نەمەسە ولارعا قارسى جوعارلاتىلعان سالىق مولشەرلەمەسى بويىنشا شارا قولدانۋ قاجەت.

- قولدانىستاعى جەر ەكونوميكانى دامىتۋعا باعىتتالۋى ءتيىس، - دەدى وبلىس اكىمى. بۇل، ەڭ الدىمەن، اۋدان اكىمىنىڭ، جەر قاتىناستارى ءبولىمى باسشىسىنىڭ، اۋىلدىق وكرۋگتەر اكىمدەرىنىڭ جۇمىسى. سوڭعى مالىمەتتەر بويىنشا كاچير اۋدانىنداعى جەر قورى 134 مىڭ گەكتاردى قۇرايدى. بولات باقاۋوۆ بۇل جەرلەردى مۇقيات زەرتتەپ، كادەگە جارايتىن ۋچاسكەلەردى شارۋالارعا شابىندىققا نەمەسە مال جايىلىمىنا بەرۋدى تاپسىردى. اۋدان بويىنشا پايدالانىلماي جاتقان جەردىڭ كولەمى - 10 مىڭ گەكتار. ولاردىڭ باسىم بولىگى سۋارمالى ەگىنشىلىكپەن اينالىسۋ ءۇشىن اسا قولايلى. مۇنداي جەر ۋچاسكەلەرى بايقونىس اۋىلدىق وكرۋگىندە بار. ول جەرلەردى وڭدەۋ ءۇشىن الدىمەن سۋ قۇبىرىن تارتۋ قاجەت.

 ايماق باسشىسى اتاپ وتكەندەي، اۋدان ءۇشىن سۋ ماسەلەسى اسا ماڭىزدى بولعاندىقتان ونى شەشۋ ءۇشىن بار كۇشتى جۇمساۋ كەرەك. - اۋىلدىق وكرۋگتەردەگى جەرلەردى پايدالانۋعا بەرۋدە شەكتەۋ قويىلۋى قاجەت، - دەپ اتاپ ءوتتى اكىم. مۇنداي جەر ۋچاسكەلەرىن اۋىل تۇرعىندارىنا قولدانۋعا بەرۋ كەرەك. مۇمكىندىگىنشە ول جەرلەرگە كوپ جىلدىق شوپتەر وسىرگەن دۇرىس. بۇرىنعى كەزدەگى اۋىلدىق وكرۋگتەردى شالعىنداندىرۋ باعدارلاماسىنا ورالۋ كەرەك. جالپى العاندا كاچير اۋدانىندا اۋىل شارۋاشىلىعى جەرلەرى يگەرىلىپ جاتىر.

 ايماق باسشىسى اۋدانعا جاسايتىن جۇمىس ساپارى كەزىندە بۇل ماسەلە بويىنشا تەكسەرىس جۇرگىزەتىنىن قاداپ ايتتى.

سوڭعى جاڭالىقتار