شامادان تىس جۇمىس ىستەيتىن جاپوندار قالانىڭ كەز كەلگەن جەرىندە ۇيىقتاپ جاتادى - فوتو

وسى رەتتە بريتاندىق فوتوگراف ەدريان ءستوريدىڭ توكيودا تۇسىرگەن سۋرەتتەرىن نازارلارىڭىزعا ۇسىنامىز.
مەترودا، ساكىدە، ءتىپتى كوشە ورتاسىندا سۇلاپ جاتقان ادامداردى ءبىر قاراعاندا ءۇي- كۇيسىز قالعان بىرەۋ ەكەن دەپ قالۋىڭىز ابدەن مۇمكىن. الايدا، ۇستىندەگى كيىمىنىڭ دۇرىستىعىنا، قولىنداعى سومكەسىنە قاراپ ونداي ويدان دەرەۋ اينىپ قالارىڭىز انىق. مۇنىڭ بار سەبەبى - جاپونداردىڭ 12 ساعات جۇمىس ىستەۋى.
فوتوگراف كەشكە قاراي قالانىڭ كوپ جەرلەرىندە تۇرعىنداردىڭ ۇيىقتايتىنىن بايقاعان سوڭ وسى ۋاقىتتا ارنايى سۋرەتكە ءتۇسىرۋ ءۇشىن كوشەگە شىعادى ەكەن.
ەل اراسىندا مەترو مەن ساتىلاردا، باقتاردا، كوشەنىڭ قاق ورتاسىندا، تروتۋاردا، بيزنەس ورتالىقتارىندا ۇيىقتاپ جاتاتىن ادامداردى كورۋ قالىپتى جاعدايعا اينالعان.
كۇنشىعىس ەلىنىڭ وتە ەڭبەكقور حالىق ەكەنى بارشا ءمالىم. ولار دامىعان تەحنولوگيا، ءوندىرىس سالاسىمەن وزىق كەلەدى. الايدا، ول ءۇشىن حالىق ايانباي- تالماي جۇمىس ىستەپ، ۇيىنە قايتۋعا شاماسى قالماعانشا وسىلاي ەڭبەك ەتەدى.