پاراقورلاردىڭ بيۋدجەتكە تولەگەن ەڭ ۇلكەن ايىپپۇلدارى جاريا بولدى

ايتا كەتەيىك، 2015 -جىلدىڭ 1 - قاڭتارىنان باستاپ كۇشىنە ەنگەن جاڭا قىلمىستىق كودەكستىڭ 312-بابىندا «پارا الۋ» فاكتىسى بويىنشا، ازامات ايىپپۇل تولەپ، تەمىر توردان قۇتىلۋ مۇمكىندىگى قاراستىرىلعان.
ايىپپۇل كولەمى الىنعان پارانىڭ 50 ەسەلەنگەن مولشەرى. مىسالى، 100 مىڭ تەڭگە كولەمىندەگى پارا السا، 5 ميلليون ەتىپ مەملەكەت قازىناسىنا قايتارادى. ونى تولەي المايتىن جاعدايدا، باس بوستاندىعىنان ايرىلادى. ەگەر پارا ءىرى كولەمدە الدىن الا كەلىسىلگەن توپتىڭ بوپسالاۋى ارقىلى بەرىلسە، وندا 70 ەسەلەنگەن ايىپپۇل تولەۋ مىندەتتەلەدى. نەمەسە 7 جىلدان 12 جىلعا دەيىن قاماۋ كوزدەلگەن.
«2016 -جىلدىڭ 6-ايىندا سىبايلاس جەمقورلىق ساناتىنداعى باپتارمەن ايىپتالعان 152 تۇلعاعا قاتىستى سوت ۇكىمىمەن ايىپپۇل سالىنىپ، ونىڭ جالپى مولشەرى 654 ميلليون تەڭگەنى قۇرادى، ونىڭ ىشىندە پارا سوماسىنىڭ ەسەلەنگەن تۇرىندە ايىپپۇل تولەۋ جازاسى 130 ادامعا قاتىستى كەسىلگەن»، - دەلىنگەن س. پەروۆتىڭ اگەنتتىك تىلشىسىنە بەرگەن جاۋابىندا.
دەپارتامەنت باسشىسىنىڭ ايتۋىنا قاراعاندا، 2015 -جىلى 320 تۇلعاعا قاتىستى 2 ميلليارد تەڭگەگە تەڭ ايىپپۇل جازاسى سالىنعان، ونىڭ ىشىندە پارانىڭ ەسەلەنگەن تۇرىندە 238 ادامعا قاتىستى ايىپپۇل تولەۋ جازاسى كەسىلگەن.
«2015 -جىلى سوت ۇكىمىمەن ايىپپۇل رەتىندە تولەنگەن ەڭ ۇلكەن سوما - 1,1 ميلليارد تەڭگە بولعان، ول پارا الۋ فاكتىسى بويىنشا، تابيعي مونوپوليالاردى رەتتەۋ اگەنتتىگىنىڭ بۇرىنعى ءتوراعاسى مۇرات وسپانوۆقا قاتىستى سالىندى، ال 2016 -جىلدىڭ ءبىرىنشى جارتىجىلدىعىندا ەڭ ۇلكەن ايىپپۇلدى اتىراۋ وبلىسى جىلىوي اكىمدىگىنىڭ تۇرعىن ءۇي- كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ءبولىمىنىڭ باسشىسى ا. ابەنوۆ پارا بەرۋ فاكتىسى بويىنشا تولەدى. وعان سالىنعان ايىپپۇل كولەمى - 48 ميلليون تەڭگەنى قۇرادى»، - دەلىنگەن حاتتا.
ەسكە سالا كەتەيىك، مۇرات وسپانوۆ ءومىرىنىڭ سوڭىنا دەيىن مەملەكەتتىك قىزمەتتە لاۋازىمعا يە بولۋ قۇقىعىنان ايىرىلعان بولاتىن. وعان تيەسىلى مۇلىكتىڭ بارلىعى تاركىلەنەدى. ونىڭ ءىسىن قاراعان سۋديا ەربول راحىمبەكوۆ قازاقستان پرەزيدەنتىنە مۇرات وسپانوۆتى «قۇرمەت وردەنى مەملەكەتتىك ماراپاتىنان ايىرۋ تۋرالى ۇسىنىس كەلتىرۋ قاجەتتىگىن دە اتاپ وتكەن بولاتىن.
تابيعي مونوپوليالاردى رەتتەۋ اگەنتتىگىنىڭ بۇرىنعى ءتوراعاسى مۇرات وسپانوۆ «اتىراۋ جارىق» ا ق ءۇشىن ەلەكتر قۋاتىن بەرۋ مەن تاراتۋ تاريفىن بەكىتۋدە دەلدال ارقىلى بوپسالاۋ جولىمەن اسا ءىرى كولەمدە پارا العان دەپ ايىپتالدى. پارا بەرگەنى ءۇشىن سوتتا «اتىراۋ جارىق» ا ق مۇددەسىنە قىزمەت ەتكەن كاسىپكەر ارمان اقتاي جاۋاپ بەردى، ول شەنەۋنىككە پارا بەرۋگە ءماجبۇر بولعانىن ايتتى. سوتتىڭ شەشىمىمەن ارمان اقتاي قىلمىستىق جاۋاپكەرشىلىكتەن بوساتىلدى.
ا. ابەنوۆ جىلىوي اۋدانى تۇرعىن ءۇي- كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ءبولىمى» مەملەكەتتىك مەكەمەسىنىڭ باسشىسى بولىپ جۇمىس جاسادى. ءوزىنىڭ قارىنداسىنا مەملەكەتتىك ساتىپ الۋلاردا كونكۋرستا جەڭىپ شىعۋى ءۇشىن كومەكتەسۋ ماقساتىندا ول اتىراۋ وبلىسى مەملەكەتتىك ساتىپ الۋلار باسقارماسىنىڭ مەملەكەتتىك ساتىپ الۋلار جانە مونيتورينگ ءبولىمىنىڭ باس مامانى ك. مۇحتاروۆقا 1600000 تەڭگە سوماسىندا پارا بەردى. ابەنوۆ ق ر ق ك 2- ءبولىمى 367-بابىندا كوزدەلگەن قىلمىستى جاساۋعا ايىپتى دەپ تانىلدى. وعان 48000000 تەڭگە مولشەرىندە ايىپپۇل تۇرىندە جازا تاعايىندالدى جانە ءومىر بويى مەملەكەتتىك قىزمەت لاۋازىمىنا قۇقىقتارىنان ايىرىلدى.
اۆتور: جاسۇلان جولدىبايەۆ