اۋىر اتلەت فارحاد حاركي ساپاربايەۆقا قازاق ءتىلىن ۇيرەنىپ الامىن دەپ ۋادە بەردى

«مەن ءبىرىنشى ورىن الۋدى ارماندادىم. الداعى وليمپيادادا وسى ارمانىمدى جۇزەگە اسىرامىن دەپ ويلايمىن. جەڭىسىمدى «پاپا تالعات» دەپ اتاپ كەتكەن العاشقى باپكەرىمە ارنايمىن. ماعان قولداۋ بىلدىرگەن بارلىقتارىڭىزعا راحمەت. مەن قىرعىزستاننىڭ وش قالاسىندا تۋدىم. كوبىنە قۇراما كوماندامەن بىرگە الماتى قالاسىندا جاتتىقتىم. كەلەسى وليمپيادا دا اقتوبەنىڭ اتىنان شىعامىن. قازاق ءتىلىن ۇيرەنىپ، قازاقستاننىڭ نامىسىن قورعايمىن» ، - دەيدى اۋىر اتلەت فارحاد حاركي.
62 كەلى سالماقتا ۇزدىك ۇشتىككە ەنگەن فارحاد حاركيدىڭ جاتتىقتىرۋشىلارى ونىڭ 2020 -جىلى وتەتىن توكيوداعى وليمپيادادا جاسىنداي جارقىرايتىنىن ايتادى.
«ول قوسسايىستا 305 كەلى كوتەرگەنىمەن، ونىڭ جۇلقا كوتەرۋگە ءالى 15 كەلىدەي قوسۋعا مۇمكىندىگى بار. جاراقات الماي كەلەسى جىلدان باستاپ دايىندالسا، جەتىستىگىمىز بۇدان دا جوعارى بولادى» ، - دەيدى سپورت ارداگەرى ءقادىرجان ىزعارين.
ХХХІ جازعى وليمپيادادا ويىندارىنان 22- ورىن العان قازاقستان قۇراما كومانداسىنىڭ سپورتشىلارىن حالىق ۇلكەن قوشەمەتپەن كۇتىپ الىپ جاتىر. اقتوبەدە دە قازاقستانعا قولا سىيلاعان فارحادتىڭ قۇرمەتىنە اۆتوشەرۋ ۇيىمداستىرىلدى.
«دۇنيە ءجۇزىن دۇرلىكتىرگەن برازيلياداعى وليمپيادا ويىندارى ءبىتتى. ەكى جۇزدەن اسا مەملەكەت قاتىسقان باسەكەدە قازاقستان 22- ورىن الدى. بۇل ۇلكەن كورسەتكىش. اقتوبەنىڭ اتىنان قاتىسقان فارحاد باۋىرىمىزدىڭ قولا اكەلگەنى ۇلكەن قۋانىش. ءبىز ويلايمىز، فارحادتىڭ بۇگىنگى جەڭىسى جاستارعا ۇلگى بولادى. بۇل اقتوبەنىڭ ءبىرىنشى جەڭىسى دەپ ەسەپتەيمىز. بۇل جەڭىستەردىڭ سوڭى ەمەس. قۇداي بۇيىرتسا، كەلەسى توكيودا بولاتىن وليمپيادا ويىندارىندا اقتوبەنىڭ سپورتشىلارى ۇلكەن جەڭىسكە جەتەدى دەپ سەنەيىك. ءبارىمىز سپورتتى قولداساق مەملەكەتىمىزدىڭ ابىرويى وسەدى» ، - دەدى بەردىبەك ساپاربايەۆ.