الماتى قالاسىنىڭ ماڭىنداعى مۇزدىقتاردىڭ تابانىندا ورنالاسقان كولدەر ءجىتى باقىلاۋدا
جالپى كىشى جانە ۇلكەن الماتى، قارعالى مەن اقساي وزەندەرىنىڭ باسسەينىندە 38 كول بار. ونىڭ ىشىندە 17 ءسى قاۋىپتى جاعدايدا بولعان.
قازىر مەكەمە قىزمەتكەرلەرى تاۋ باسىنداعى كولدەردىڭ سۋىن كۇن سايىن ازايتىپ جاتىر. مىسالى، ۇلكەن الماتى وزەنىنىڭ باسىنداعى مۇزدىقتا ورنالاسقان «13ب» كولىنەن ءبىر ميلليون تەكشە مەتر سۋ سورىلىپ، ونىڭ كولەمى 198 مىڭ تەكشە مەترگە دەيىن ازايتىلدى.
توقتاربەك بايمولدايەۆ، «قازاق سەلدەن قورعاۋ» م م باسشىسى:
- كەلەسى جىلى دا بۇل كولدەن قاۋىپ بولمايدى دەپ ويلايمىز. ويتكەنى ديامەترى 300 ميلليمەترلىك ۇلكەن سيفوننىي ترۋبانى وسى جەرگە سالدىق. ال مانشۇك مامەتوۆا مۇزدىعىنداعى №6 كولدەن ەندى كەلەتىن قاۋىپ جوق، - دەيدى ماماندار.
بۇل كول 1958 -جىلى پايدا بولعان. سوڭعى جيىرما جىلدا دەڭگەيى كۇرت كوتەرىلىپ الماتىلىقتاردى ۇرەيلەندىرىپ كەلگەن ەدى. كەيبىر جىلدارى قازاندىقتاعى سۋ 390 مىڭ تەكشە مەترگە دەيىن جەتكەن. مامانداردىڭ قاجىرلى ەڭبەگىنىڭ ارقاسىندا قازىر №6 كولدە شامامەن 58 مىڭ تەكشە مەتر سۋ قالعان.
توقتاربەك بايمولدايەۆ، «قازاق سەلدەن قورعاۋ» م م باسشىسى:
- جول سالىپ بۋلدوزەر، ەكسكوۆاتور الىپ كەلىپ، وسى التىنشى كولدىڭ كانالىن كەڭەيتىپ التى مەترگە دەيىن، تەرەڭدىگىن 20 مەترگە دەيىن كوبەيتىپ، سول كولدىڭ دەڭگەيىن 58 مىڭ كۋبقا دەيىن تومەندەتتىك. ەندى 58 مىڭ كۋب قالاعا ەشقانداي قاۋىپ كەلتىرمەيدى.
www.24.kz
