كوروعلى ەسكەرتكىشى قازاق جوباسىمەن جاسالادى

استانا. قازاقپارات - تۇركسوي حالىقارالىق ۇيىمى مەن تۇركياداعى بولۋ قالاسىنىڭ اكىمشىلىگى تاراپىنان كوروعلى ەسكەرتكىشىنە جاريالانعان حالىقارالىق كونكۋرستا قازاق ساۋلەتشىلەرىنىڭ جوباسى جەڭىسكە جەتتى،
None
None

 دەپ جازادى «ايقىن» رەسپۋبليكالىق گازەتى بۇگىنگى سانىندا.

 بولۋ ايماعى - انكارا مەن ىستامبۇلدىڭ ورتاسىندا ورنالاسقان، تابيعاتى ەرەكشە اسەم، ورمان- توعايلى، تاۋلى ايماق. بۇل جەردىڭ تاعى ءبىر ەرەكشەلىگى - وسى ايماقتى تۇرىك اڭىزدارىنىڭ باستى كەيىپكەرلەرىنىڭ ءبىرى كوروعلى باتىردىڭ ءومىر سۇرگەن جەرى دەپ سانايدى جەرگىلىكتى جۇرت. كونە تاريحىن قادىر تۇتاتىن بولۋ قالاسىنىڭ باسشىلارى بىرنەشە جىلدان بەرى حالىقارالىق كوروعلى فەستيۆالىن ۇيىمداستىرىپ، فەستيۆال اياسىندا ءتۇرلى ونەر سايىستارىن، كونسەرتتەر وتكىزىپ، جىل سايىن ونەردىڭ، سپورتتىڭ جاڭا تۇرلەرىنەن بايقاۋ مەن كونكۋرستار جاساپ، بايگەلەر جاريالاپ تۇرادى. ءتىپتى، ءتۇرلى تۇركى تىلدەرىندەگى «كوروعلى» ەپوسىن ورىنداۋشىلار مەن زەرتتەۋشىلەردىڭ جىل سايىنعى جيىنىن وتكىزۋ دە وسى ايماققا ءتان.

 بيىل ءتورتىنشى رەت ۇيىمداستىرىلعان حالىقارالىق كوروعلى فەستيۆالى اياسىندا بولۋ قالاسىنىڭ باسشىلىعى تۇركسوي حالىقارالىق ۇيىمىمەن بىرىگىپ، تۇركى حالىقتارىنىڭ ورتاق قاھارمانى كوروعلىنىڭ ەسكەرتكىشىن جاساۋ ءۇشىن تۇركى حالىقتارى ساۋلەتشىلەرى اراسىندا حالىقارالىق كونكۋرس جاريالاعانى بەلگىلى. بيىكتىگى 30 مەترگە جەتەتىن الىپ ەسكەرتكىشتى جاساۋعا تۇركى حالىقتارى ساۋلەتشىلەرى مەن مۇسىنشىلەرى تاراپىنان وتە كوپ جوبا تۇسسە دە، قورىتىندىدا ەڭ جاقسى 10 جوبا ىرىكتەلىپ، حالىقارالىق جيۋري ساراپتاۋىنان ءوتتى. بەدەلدى حالىقارالىق جيۋري قۇرامىنا قازاقستان ساۋلەتشىلەر وداعىنىڭ ءتوراعاسى اقمىرزا رۇستەمبەكوۆ، قىرعىزستان ساۋلەتشىلەر وداعىنىڭ ءتوراعاسى الىمبەك ءابدىرايىموۆ، ءازىربايجان ءمۇسىنشىسى اكيف اسگاروۆ، وزبەكستاندىق ونەرتانۋشى نيگورا احمەدوۆا، گاگاۋىز ەلىنەن ءمۇسىنشى اتاناس كاراچوبان، تۇركيادان ساۋلەتشى يبراگيم اكسوي، ءمۇسىنشى فەريت وزچەن كىردى.

 كوپتەن كۇتكەن كونكۋرستىڭ قورىتىندىسى بۇگىن بەلگىلى بولدى. كونكۋرس جەڭىمپازى - قازاق جوباسى. جوبا اۆتورلارى - بەلگىلى ءمۇسىنشى مۇرات مانسۇروۆ پەن تالانتتى ساۋلەتشى ەدىل تۇسىپبەكوۆ. حالىقارالىق جيۋري مۇشەلەرى دە قازاق جوباسىنىڭ يدەيالىق، كوركەمدىك باسىمدىعىن ەرەكشە اتاپ ءوتتى. ايتا كەتەرلىگى، تۇركسوي باس حاتشىلىعىنىڭ سۇرانىسى بويىنشا كوروعلى ەسكەرتكىشى جوباسىنىڭ عىلىمي نەگىزدەمەسىن اتاقتى قازاق اقىنى، بەلگىلى تۇركىتانۋشى ولجاس سۇلەيمەنوۆ جاساعان. تۇركىلەردىڭ ءتۇپ- تۇقيانىنا بايلانىستى سونى پىكىرلەرىمەن تانىمال ولجاس اقىن عىلىمي نەگىزدەمەسىندە كوروعلى بەينەسىنىڭ بۇكىل ادامزات تاريحىنداعى ورنىنا اسا ءمان بەرىپتى.

 ءسويتىپ، كوروعلى باتىردىڭ 30 مەترلىك الىپ ەسكەرتكىشى تۇرىك ەلىنىڭ ەكى استاناسىن بايلانىستىراتىن كۇرە جولدىڭ بويىندا، ءاپسانا- قالا بولۋدا قازاق جوباسىنىڭ نەگىزىندە سالىناتىن بولدى. جوبانىڭ اۆتورلارى - قازاقستاندا بىرنەشە بەلگىلى جوبالاردى ىسكە اسىرعان تانىمال تۇلعالار. ءمۇسىنشى - الماتىداعى «تاۋەلسىزدىك»، استاناداعى «قازاق ەلى» مونۋمەنتتەرى اۆتورلارىنىڭ ءبىرى - مۇرات مانسۇروۆ، ساۋلەتشى - «ماڭگىلىك ەل»، «قازاق حاندىعىنىڭ 550 -جىلدىعى» ساۋلەتتىك- مونۋمەنتالدىق كەشەندەرى اتورلارىنىڭ ءبىرى ەدىل تۇسىپبەكوۆ. كونكۋرستا ەكىنشى ورىندى تۇركيالىق يبراھيم باكير مەن مۇرات وگۋز، ءۇشىنشى ورىندى وزبەكستاندىق ابدۋكاكھار تۇرديەۆ پەن تۋلياگان تادجيھودجايەۆ يەلەندى.

دۇيسەن قاسەيىنوۆ، تۇركسوي باس حاتشىسى:

- كوروعلى - بۇكىل تۇركى حالىقتارىنىڭ فولكلورىندا كەزدەسەتىن، ادىلەت پەن شىندىقتىڭ سيمۆولىنا اينالعان كەيىپكەر. تۇركيادا بولۋ - ونىڭ وتانى سانالادى. وسى تاۋلاردىڭ ىشىنەن شىعىپ، استامشىل باي- باعلانداردان ءجابىر كورگەن قاراپايىم حالىققا كومەكتەسىپ، قورعان بول- عان دەيدى اڭىز. بولۋ قالاسى اكىمشىلىگىنىڭ ۇسىنىسىمەن وسى جىلدىڭ قاڭتار ايىندا ءبىز قالاداعى كوروعلى اتىنداعى پارككە قويىلاتىن كوروعلى ەسكەرتكىشىنىڭ جوباسىنا حالىقارالىق كونكۋرس جاريالادىق. كونكۋرسقا تۇركى الەمىنىڭ تۇكپىر- تۇكپىرىنەن ءبىرى- بىرىنەن وتكەن كوركەم، كەرەمەت جوبالار قاتىستى. از ۋاقىتتا بولۋ تۇركى الەمىنىڭ ساۋلەتشىلەرى مەن مۇسىنشىلەرىنىڭ ورتالىعىنا اينالدى. جوبالاردى ىرىكتەۋ ءۇشىن حالىقارالىق جيۋري بىرنەشە كۇن جۇمىس ىستەدى. ناتيجەسىندە، قازاق مۇسىنشىلەرىنىڭ جوباسى جەڭىسكە جەتتى.

سوڭعى جاڭالىقتار