07:11, 23 - تامىز 2016 | GMT +5
سولتۇستىك قازاقستان شارۋالارى بيدايىن بىرىككەن اراب امىرلىگىنە وتكىزەدى
پەتروپاۆل. قازاقپارات - سولتۇستىك قازاقستان بيدايىن ب ا ءا، تۇركىمەنستان، تۇركيا، وزبەكستان، اۋعانستان جانە وزگە دە ەلدەرگە جەتكىزۋ جوسپارلانىپ وتىر.

بۇل تۋرالى س ق و اكىمىنىڭ ورىنباسارى ايداربەك ساپاروۆ استىق جيناۋ ناۋقانى 2016 كامپانياسىنا ارنالعان سەمينار- كەڭەستە ايتتى.
س ق و اكىمى ەرىك سۇلتانوۆتىڭ تاپسىرماسى بويىنشا، اتالعان ەلدەرگە بيداي جەتكىزۋ بويىنشا بەلسەندى جۇمىس جۇرگىزىلىپ جاتىر. بۇدان بولەك، جاڭا سەرىكتەستەر ىزدەۋ ماقساتىندا يران كاسىپكەرلەرىمەن كەلىسسوزدەر جۇرگىزىلۋدە.
«قازاقستان تەمىر جولى» ا ق ۇ ك- مەن تۇركىمەنستان مەن يرانعا جەتكىزۋدە باعانى تومەندەتۋ بويىنشا جۇمىستاردا قولعا الىندى. تاريفتەردىڭ تومەندەۋى سولتۇستىك قازاقستاندىق كاسىپكەرلەر ءۇشىن جاڭا نارىق - پارسى شىعاناعى ەلدەرىنە شىعۋعا جول اشادى. مۇنىمەن ءبىز، ولكەمىزدەگى تاۋار ەكسپورتى الەۋەتىن ارتتىرامىز. مىسالى، جىل باسىنان بەرى 1303,4 توننا بيداي جينالسا، سونىڭ 666,1 تونناسى ەكسپورت، - دەدى ايداربەك ساپاروۆ.