اقجۇرەك تاڭاتاروۆ: جەرگە قاراپ، ريودا جۇلدەسىز قالدىق
ول بۇل تۋرالى ءوز ويىن ينستاگرامداعى پاراقشاسىندا جازدى.
ول وليمپيادا بىتەتىن كۇنى پاراقشاسىندا ەلىمىزدە ەركىن كۇرەستىڭ مايتالماندارى از ەمەستىگىن جازعان.
- ايتايىن دەگەنىم، بار جۇكتى پالۋاندارعا ارتپاي، باسشىلىقتان دا سۇراۋ الۋ كەرەك شىعار. ءسوزدىڭ اشىعى، كۇرەس فەدەراتسياسىنا تەمىرجولشىلاردى ەمەس، ناعىز كۇرەس مايتالماندارىن شاقىرتۋ كەرەك. ەلىمىز ناعىز ەركىن كۇرەس ماماندارىنان كەندە ەمەس. بايرامۋكوۆ يسلام اعامىزدىڭ ءوزى ءبىر توبە. باستىسى ۇلت، ەل جاناشىرى. ال قازىرگى باس باپكەرگە كەلەتىن بولساق، مىقتى بولسا، نەگە ءوزىنىڭ كاسىپقوي باپكەرلىگىن جاپونيادا، ا ق ش- تا، لاتۆيادا، رەسەيدە قالىڭ ەلگە دالەلدەمەگەن؟ سول كىسىنىڭ ارقاسىندا جەرگە قاراپ، ريو وليمپياداسىندا جۇلدەسىز قالعان ءبىزدىڭ پالۋاندار بولعانى ما؟ ناتيجەسىز باپكەرگە قوماقتى قارجى تولەپ جۇلدەسىز قالعانشا، ازىن- اۋلاق اقشانى قاناعات تۇتىپ، وتانىمىزدىڭ داڭقى ءۇشىن ەرەن ەڭبەك ەتكەن ءوزىمىزدىڭ باپكەرلەرگە نەگە تابىستاماعان ەكەن وليمپيادا ويىندارىن؟ ريوداعى كەلەڭسىز جاعدايلاردان كەيىن كۇرەس فەدەراتسياسى بارلىعىن جونگە كەلتىرەدى دەگەن سەنىمدەمىن» - دەگەن.
