قازاقستاننىڭ ءانۇرانى العاش رەت حان ءتاڭىرى شىڭىندا وينالدى

استانا. قازاقپارات - قازاقستان حالقى اسسامبلەياسىنىڭ قولداۋىمەن تاۋەلسىزدىكتىڭ 25 جىلدىعىنا وراي، 2016 -جىلدىڭ 16- شىلدە-12 - تامىز ارالىعىندا سولتۇستىك ينەلشىك مۇزدىعىنان قازاقستاننىڭ ەڭ بيىك نۇكتەسى - حان ءتاڭىرى شىڭىنا الپينيستەر ەكسپەديتسياسى ءوتتى.
None
None

ەكسپەديتسيانىڭ العاشقى كەزەڭدەرىندە اۋا رايى بۇزىلىپ، قار جاۋدى. تەك 10 - تامىز كۇنى شىڭعا شىعىپ، قازاقستان رەسپۋبليكاسىنىڭ مەملەكەتتىك تۋى كوتەرىلدى، تاريحتا تۇڭعىش رەت مەملەكەتتىك ءانۇران وينالدى.

سونى يدەيانى جانە قازاقستاننىڭ ۇلتتىق سيمۆولدارىن دارىپتەۋ ءۇشىن الپينيزمدە زاماناۋي تەحنولوگيالاردى قولدانۋ باستاماسىن Dicosta Technologies LTD كومپانياسىنىڭ پرەزيدەنتى، زاپاستاعى وفيتسەر، سپورتشى- تاۋ شاڭعىشىسى، الپينيست الەكساندر سەرازەتدينوۆ كوتەردى.

اكۋستيكالىق، سىمسىز تەحنولوگيالاردى پايدالانۋ پاتريوتيزمدى، سالاۋاتتى ءومىر سالتىن، ۇرپاقتار ساباقتاستىعىن ناسيحاتتاۋعا، بيىك شىڭ باسىنان جۇرتشىلىققا ۇندەۋ تاستاۋعا كومەكتەسەدى، دەپ حابارلادى كومپانيانىڭ باسپا ءسوز قىزمەتى.

شىڭعا شىعۋعا ت. اۋباكىروۆ، ا. سۋباچيەۆ، ك. زەنكوۆ، م. پاۆلوۆ، ا. سەرازەتدينوۆ سەكىلدى تانىمال، جاس قازاقستاندىق الپينيستەر اتسالىستى.

2014-2015 -جىلدارى تيان- شان، الپى، كاۆكاز جانە پامير تاۋلارىندا: مانشۇك مامەتوۆا شىڭى، ءمارمار قابىرعا توبەسى، مونبلان، ەلبرۋس جانە لەنين شىڭىندا قازاقستان رەسپۋبليكاسىنىڭ مەملەكەتتىك ءانۇرانى وينالعان ەدى.

حان ءتاڭىرى - قازاقستان، قىرعىزستان جانە قىتاي شەكاراسىندا ورنالاسقان تيان- شان تاۋىنىڭ پيراميدالى شىڭى، بيىكتىگى - 7010 مەتر (مۇزدىقپەن)، مۇز قالىڭدىعىن ەسەپتەمەگەندە - 6995 مەتر.

null null 

سوڭعى جاڭالىقتار