كارىم ءماسىموۆ جۇمىس ساپارىمەن وڭتۇستىك قازاقستان وبلىسىنا باردى

استانا. قازاقپارات - كارىم ءماسىموۆ وڭتۇستىك قازاقستان وبلىسىندا ونەركاسىپتىك، تاريحي- مادەني نىسانداردى ارالاپ، ماڭىزدى ماسەلەلەردى تالقىلاۋ ءۇشىن قوعام وكىلدەرىمەن كەزدەسۋ وتكىزەدى جانە ءوڭىردىڭ الەۋمەتتىك- ەكونوميكالىق دامۋىن باعالايدى دەپ كۇتىلۋدە،
None
None

 دەپ حابارلايدى pm.kz.

كارىم ءماسىموۆ ايروۆوكزالدىڭ ۇشۋ- قونۋ جولاعىن جوندەۋ جۇمىستارىمەن تانىسىپ، شىمكەنت قالاسىنداعى كولىك ينفراقۇرىلىمى نىساندارىنىڭ قاۋىپسىزدىك جۇيەسىن تەكسەرەدى.

پرەمەر- ءمينيستردىڭ جۇمىس كەستەسىندە ا و ك پروبلەمالارىنا ەرەكشە نازار اۋدارىلعان. كارىم ءماسىموۆ «مەملەكەت» ا ك ك مىسالىندا جەكە قوسالقى شارۋاشىلىقتاعى ءتيىمدى ءوندىرىستى قالاي ۇيىمداستىرۋ كەرەك ەكەنى تۋرالى جۇمىس بارىسىمەن تانىسادى. وڭتۇستىك وڭىردەگى اگروكاسىپكەرلەرمەن كەزدەسۋ بارىسىندا اۋىل شارۋاشىلىعى سالاسىنداعى ماسەلەلەر تالقىلانادى دەپ جوسپارلانىپ وتىر.

ءبىلىم بەرۋ سالاسىنداعى وزەكتى ماسەلەلەر جونىندە تاعى ءبىر كەڭەس وتكىزۋ جوسپارلانعان. مۇندا پرەمەر- ءمينيستردىڭ ورىنباسارى داريعا نازاربايەۆا، ب ع م، الماتى، جامبىل، قىزىلوردا وبلىسىنىڭ، استانا جانە الماتى قالاسىنىڭ اكىمدىگى وكىلدەرى قاتىسادى.

سونداي- اق، كارىم ءماسىموۆ شىمكەنت مۇناي وڭدەۋ زاۋىتىن قايتا قۇرۋ بارىسىمەن جانە ناتيجەلەرىمەن تانىسادى. زاۋىتتا ءوندىرىستى مودەرنيزاتسيالاۋ جۇمىسى 2017 -جىلى اياقتالادى جانە بۇل ايتارلىقتاي ەكونوميكالىق اسەر بەرەدى.

ق ر پرەمەر- ءمينيسترى مەملەكەت باسشىسىنىڭ تاپسىرماسىمەن وڭىرلەردى جۇمىس ساپارىمەن ارالاپ ءجۇر. 15 - ماۋسىمىنان باستاپ كارىم ءماسىموۆ اقتوبە، الماتى، قاراعاندى، قىزىلوردا، قوستاناي، سولتۇستىك قازاقستان، اقمولا، پاۆلودار، اتىراۋ، ماڭعىستاۋ، باتىس قازاقستان، شىعىس قازاقستان وبلىستارىنا جانە الماتى قالاسىنا باردى.

ايتا كەتەيىك، وڭتۇستىك قازاقستان وبلىسىنىڭ حالقى - 2,8 ميلليوننان استام، ونىڭ 54,9 پايىزى اۋىل تۇرعىندارى. وبلىس شوب سانى، ونىڭ ىشىندە اۋىل شارۋاشىلىعى ونىمدەرىن ءوندىرۋ بويىنشا الدا كەلەدى.

سوڭعى جاڭالىقتار