11:48, 22 - تامىز 2016 | GMT +5
دانيا بادمينتونشىسى قولا جۇلدە الىپ تۇرىپ قىتاي تەلەارناسىنا سول ەلدىڭ تىلىندە سۇحبات بەردى
استانا. قازاقپارات - دانيانىڭ بادمينتوننان قۇراماسىنىڭ مۇشەسى ۆيكتور اكسەلسەن ءۇشىنشى ورىنعا سايىستى قىتايلىق لين داندى ۇتىپ، ريو وليمپياداسىنىڭ قولا مەدالىنە قول جەتكىزدى،

دەپ حابارلايدى Eurosport.
ماراپاتتاۋدان كەيىن قىتايدىڭ مەملەكەتتىك CCTV تەلەارناسىنىڭ ءتىلشىسى اكسەلسەنگە كەلىپ ودان سۇحبات بەرۋىن وتىنگەن. دات سپورتشىسى جۋرناليسكە كەلىسىمىن بەرىپ، تىكەلەي ەفيردە قىتايدىڭ ماندارين ديالەكتىسىندە ءوز ويىن جەتكىزگەن.
سونداي- اق ول ەكى جىلدان بەرى ونلاين كۋرستار ارقىلى قىتاي ءتىلىن ۇيرەنىپ جۇرگەنىن جەتكىزگەن.
ەسكە سالا كەتسەك، ءوز سپورت تۇرىنەن ۆيكتور اكسەلسەن قازىرگى ەۋروپا چەمپيونى.