دينارا ءسادۋاقاسوۆا شاحماتتان الەم چەمپيونى اتاندى

استانا. قازاقپارات - ەلوردالىق شاحماتشى دينارا ءسادۋاقاسوۆا بحۋبانەسۆاردە (ءۇندىستان) وتكەن شاحماتتان جاستار اراسىنداعى الەم چەمپيوناتىندا جەڭىسكە جەتتى، دەپ حابارلايدى قالا اكىمدىگىنىڭ سايتى.
None
None

ءۇندىستاندا 20 جاسقا دەيىنگى قىزدار اراسىنداعى الەم بىرىنشىلىگىندە 57 سپورتشى باس جۇلدەنى ساراپقا سالدى.

چەمپيونات بارىسىندا دينارا ءسادۋاقاسوۆا كوش باستاپ، 13 ءتىڭ ىشىنەن 9,5 بالل جينادى. ەكىنشى ورىنعا رەسەيلىك، ءۇشىنشى ورىنعا ءۇندىستاندىق شاحماتشى يە بولدى.

فيدە قامقورلىعىمەن وتكەن چەمپيوناتتى ۇيىمداستىرعان بحۋبانەسۆار كيت ۋنيۆەرسيتەتىنىڭ شاحماتتان وريسسا قاۋىمداستىعى. جارىس شۆەيتساريالىق جۇيە بويىنشا 13 تۋرمەن وتكىزىلدى. زياتكەرلىك شايقاس ەكى اپتاعا جالعاستى. دينارا قىزدار اراسىندا الەم چەمپيونى اتاندى، بۇل شاحماتشىلار اراسىنداعى ەڭ ماڭىزدى ەكىنشى اتاق. الدا جاڭا جەڭىستەر مەن ەڭ ماڭىزدى تۋرنير - ايەلدەر اراسىنداعى چەمپيونات بار.

 دينارا ءسادۋاقاسوۆا - ەلىمىزدە شاحماتتىڭ دامۋىنا ەلەۋلى ۇلەس قوسقان جاس گروسسمەيستەرلەردىڭ ءبىرى. ەلوردالىق ح. س. وماروۆ اتىنداعى شاحمات كلۋبىندا بەس جاسىنان باستاپ ءتالىم الىپ ءجۇر. دينارا شاحماتپەن قاتار مۋزىكا مەكتەبىنىڭ فورتەپيانو سىنىبىن ۇزدىك اياقتاپ، كوركەمدىك گيمناستيكامەن شۇعىلدانعان. شاحماتقا ءبىرجولا بەت بۇرعان ول سەگىز جاسىندا الەمدىك دەڭگەيدەگى جارىستا توپ جارادى. دينارا ءسادۋاقاسوۆا ءۇش دۇركىن الەم چەمپيونى، ازيانىڭ ءۇش دۇركىن ۆيسە- چەمپيونى جانە قازاقستان چەمپيوناتىنىڭ بىرنەشە دۇركىن جەڭىمپازى.

سوڭعى جاڭالىقتار